Búgin Shymkent qalasynyń ákimi Murat Áıtenov Ózbekstan Respýblıkasynyń Almatydaǵy bas konsýly Abror Fathýllaevpen kezdesti.
Kezdesýde taraptar saýda-ekonomıkalyq, mádenı-gýmanıtarlyq qarym-qatynastardy nyǵaıtý men halyqaralyq týrızmdi damytýǵa baǵyttalǵan ózara yntymaqtastyq máselelerin talqylady.
Sondaı-aq, COVID-19 pandemııasy jaǵdaıynda ekonomıkalyq turaqtylyq pen eńbek mıgraııasy jaıynda sóz qozǵady.
Bas konsýl óz sózinde eńbek mıgraııasy halyqaralyq ekonomıkalyq qatynastardyń bir bóligine aınalǵanyn aıtyp, pandemııaǵa baılanysty jumysshy kúshin qabyldaıtyn ońtaıly júıe jasaýdy usyndy.
«Shymkentte iri ónerkásip oryndary men qurylys salasynda kóptegen nysan qurylystary júrgizilýde. Jumys berýshilerden ótinim kelip tússe biz taraptan jumys kúshimen qamtamasyz etýge daıynbyz. Ol úshin Qazaqstannyń jumys berýshileri Ózbekstan tarapynan suratylǵan tıisti qujat toptamasyn usynyp, ótinim bildirse jetkilikti»,-dedi Abror Fathýllaev.
Shymkentte qurylys jumystarynyń qarqyny karantın kezinde de báseńdemegenin aıtqan qala basshysy búginde jumys kúshiniń qajet ekenin jetkizdi.
Kezdesýdiń qorytyndysy boıynsha taraptar ózara yntymaqtastyqty nyǵaıtýǵa múddeli ekendigin bildirdi.
Shymkent qalasy ákiminiń baspasóz qyzmeti
