شىمكەنت اكىمى وزبەكستاننىڭ باس كونسۋلىمەن كەزدەستى

2522
Adyrna.kz Telegram

بۇگىن شىمكەنت قالاسىنىڭ اكىمى مۇرات ايتەنوۆ وزبەكستان رەسپۋبليكاسىنىڭ الماتىداعى باس كونسۋلى ابرور فاتحۋللاەۆپەن كەزدەستى.

كەزدەسۋدە تاراپتار ساۋدا-ەكونوميكالىق، مادەني-گۋمانيتارلىق قارىم-قاتىناستاردى نىعايتۋ مەن حالىقارالىق ءتۋريزمدى دامىتۋعا باعىتتالعان ءوزارا ىنتىماقتاستىق ماسەلەلەرىن تالقىلادى.

سونداي-اق، COVID-19 پاندەمياسى جاعدايىندا ەكونوميكالىق تۇراقتىلىق پەن ەڭبەك ميگراتسياسى جايىندا ءسوز قوزعادى.

باس كونسۋل ءوز سوزىندە ەڭبەك ميگراتسياسى حالىقارالىق ەكونوميكالىق قاتىناستاردىڭ ءبىر بولىگىنە اينالعانىن ايتىپ، پاندەمياعا بايلانىستى جۇمىسشى كۇشىن قابىلدايتىن وڭتايلى جۇيە جاساۋدى ۇسىندى.

«شىمكەنتتە ءىرى ونەركاسىپ ورىندارى مەن قۇرىلىس سالاسىندا كوپتەگەن نىسان قۇرىلىستارى جۇرگىزىلۋدە. جۇمىس بەرۋشىلەردەن ءوتىنىم كەلىپ تۇسسە ءبىز تاراپتان جۇمىس كۇشىمەن قامتاماسىز ەتۋگە دايىنبىز. ول ءۇشىن قازاقستاننىڭ جۇمىس بەرۋشىلەرى وزبەكستان تاراپىنان سۇراتىلعان ءتيىستى قۇجات توپتاماسىن ۇسىنىپ، ءوتىنىم بىلدىرسە جەتكىلىكتى»،-دەدى ابرور فاتحۋللاەۆ.

شىمكەنتتە قۇرىلىس جۇمىستارىنىڭ قارقىنى كارانتين كەزىندە دە باسەڭدەمەگەنىن ايتقان قالا باسشىسى بۇگىندە جۇمىس كۇشىنىڭ قاجەت ەكەنىن جەتكىزدى.

كەزدەسۋدىڭ قورىتىندىسى بويىنشا تاراپتار ءوزارا ىنتىماقتاستىقتى نىعايتۋعا مۇددەلى ەكەندىگىن ءبىلدىردى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر