Elestetińiz, kún shaıdaı ashyq, siz kógalda serýendep kele jatyrsyz. Aýa raıy keremet, samal jel betińizden óbip keledi. Bir kezde aldyńyzdan birneshe jemis bir ózinde ósetin aǵash shyqty. Bul – arman aǵashy. Arman aǵashy-sizdiń armanyńyzdy múltiksiz oryndaıdy. Kózińizdi jumyp, ishińizden eń aıaýly armanyńyzdy oılańyz. Endi qaı jemisti alasyz?! Sizdiń tańdaýyńyz armanyńyzdyń qalaı oryndalatynynan habar beredi.
Qaraórik
Armandaǵan oıyńyzǵa qol jetýge sál-aq qaldy. Endi sizge áreket ete túsý kerek. Osy jerden toqtap qalsańyz, armanym ózi oryndala qalady dep oılamańyz. Siz bárine eńbek arqyly ǵana jetip júrgen jansyz. Bul joly da solaı. Endi sizge azǵantaı ǵana eńbek etý qaldy.
Apelsın
Eger tańdaýyńyz apelsınge tússe, armanyńyz tolyqqandy oryndalmaıtynyn bildiredi. Nege? Sebebi bárine ózińiz kinálisiz. Esepsiz áreket etesiz. Aldaǵy 10 jylyńyzdy oılamaısyz. Biraq bul úmitsizdiktiń belgisi emes. Taǵdyrdyń sizge daıyndap qoıǵan odan da aýqymdy syıy bar shyǵar múmkin.
Banan
Banan – jaǵymdy jańalyqtyń belgisi. Ómirińizdegi qıyn kezeńder ótip, eren eńbegińiz jemisin berip, beınettiń zeınetin kóresiz. Bir sáýle jylt etkeli tur. Qoryqpańyz. Bári jaqsy bolady.
Alma
Alma - sizge búkil álemniń meıirbandylyǵyn ýáde etedi. Myqty senimińizdiń arqasynda armanyńyz mindetti túrde oryndalady. Tek senimińizdi joǵaltyp almańyz. Baıqasańyz, ómirde ózine senimdi adamdar ǵana jetistikke jetedi. Sizde de solaı. Senińiz. Áreket etińiz. Jáne sabyrmen kúte bilińiz.
Ananas
Ananasty tańdasańyz, siz óz ómirińizdiń sheberi bolǵanyńyz. Talabyńyzdyń shyńyna shyǵyp, armanyńyzdy júzege asyrý tek ózińizdiń qolyńyzdan keledi. Siz baqytty jandardyń sanatynansyz. Sebebi kóp áreketti qajet etpeı-aq, Táńir sizdi tátti syılarmen súıinshileıdi.
Shıe
Sizdiń armanyńyz óz súıiktińiz arqyly oryndalmaq. Súıiktinińizge jáne ózińizge senińiz.
Qandaı arman oılasańyz da, qaı jemisti tańdasańyz da, mynany umytpańyz: jaqsylyq ta, jamandyq ta qaıtarymymen bolady.
"Adyrna" ulttyq portaly
