Eń tómengi jalaqy 2021 jyldyń 1 qańtarynan bastap 42 500 teńge mólsherinde belgilenedi dep josparlanýda, dep habarlaıdy Stan.kz aqparat agenttigi.
Respýblıkalyq bıýdjetke engiziletin jańa zań jobasy boıynsha, zeınetaqy mólsheri 2021 jyldyń 1 qańtarynan bastap ósedi.
Eń tómengi jalaqy - 42 500 teńge;
Memlekettik bazalyq zeınetaqy tóleminiń eń tómengi mólsheri - 18 524 teńge;
eń tómengi zeınetaqy - 43 272 teńge;
Járdemaqylardy jáne basqa da áleýmettik tólemderdi esepteý úshin, sondaı-aq Qazaqstan Respýblıkasynyń zańnamasyna sáıkes aıyppuldar, salyqtar jáne basqa tólemder boıynsha aılyq eseptik kórsetkish - 2 917 teńge;
Negizgi áleýmettik tólemder mólsherin esepteý úshin eń tómengi kúnkóris deńgeıiniń mólsheri - 34 302 teńge.
"Qartaıǵan kezdegi zeınetaqy tólemderine jáne eńbek ótili boıynsha zeınetaqy tólemderine bólinetin qarajat olardyń mólsheriniń 2021 jylǵy 1 qańtardan bastap jeti paıyzǵa óskenin eskere otyryp beriledi", - delingen qujatta.
Sondaı-aq, 2021 jylǵy 1 qańtardan bastap Áleýmettik medıınalyq saqtandyrý qoryna tólenetin mindetti áleýmettik medıınalyq saqtandyrý (ESShI) boıynsha memlekettik jarnalardyń mólsherin - memlekettik jarnalardy esepteý obektisiniń 1,6% -yn belgileý usynylady.
Esterińizge sala keteıik, qazirgi ýaqytta eń tómengi zeınetaqy mólsheri 40 441 teńgeni quraıdy.
«Adyrna» ulttyq portaly
