ەڭ تومەنگى جالاقى 2021 جىلدىڭ 1 قاڭتارىنان باستاپ 42 500 تەڭگە مولشەرىندە بەلگىلەنەدى دەپ جوسپارلانۋدا، دەپ حابارلايدى Stan.kz اقپارات اگەنتتىگى.
رەسپۋبليكالىق بيۋدجەتكە ەنگىزىلەتىن جاڭا زاڭ جوباسى بويىنشا، زەينەتاقى مولشەرى 2021 جىلدىڭ 1 قاڭتارىنان باستاپ وسەدى.
ەڭ تومەنگى جالاقى - 42 500 تەڭگە;
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 18 524 تەڭگە;
ەڭ تومەنگى زەينەتاقى - 43 272 تەڭگە;
جاردەماقىلاردى جانە باسقا دا الەۋمەتتىك تولەمدەردى ەسەپتەۋ ءۇشىن، سونداي-اق قازاقستان رەسپۋبليكاسىنىڭ زاڭناماسىنا سايكەس ايىپپۇلدار، سالىقتار جانە باسقا تولەمدەر بويىنشا ايلىق ەسەپتىك كورسەتكىش - 2 917 تەڭگە;
نەگىزگى الەۋمەتتىك تولەمدەر مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيىنىڭ مولشەرى - 34 302 تەڭگە.
"قارتايعان كەزدەگى زەينەتاقى تولەمدەرىنە جانە ەڭبەك ءوتىلى بويىنشا زەينەتاقى تولەمدەرىنە بولىنەتىن قاراجات ولاردىڭ مولشەرىنىڭ 2021 جىلعى 1 قاڭتاردان باستاپ جەتى پايىزعا وسكەنىن ەسكەرە وتىرىپ بەرىلەدى", - دەلىنگەن قۇجاتتا.
سونداي-اق، 2021 جىلعى 1 قاڭتاردان باستاپ الەۋمەتتىك مەديتسينالىق ساقتاندىرۋ قورىنا تولەنەتىن مىندەتتى الەۋمەتتىك مەديتسينالىق ساقتاندىرۋ (ەسشي) بويىنشا مەملەكەتتىك جارنالاردىڭ مولشەرىن - مەملەكەتتىك جارنالاردى ەسەپتەۋ وبەكتىسىنىڭ 1,6% -ىن بەلگىلەۋ ۇسىنىلادى.
ەستەرىڭىزگە سالا كەتەيىك، قازىرگى ۋاقىتتا ەڭ تومەنگى زەينەتاقى مولشەرى 40 441 تەڭگەنى قۇرايدى.
«ادىرنا» ۇلتتىق پورتالى
