Mäjılıs töraǧasy Erlan Qoşanov bastaǧan «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasy Atyrau oblysyna bardy. Önerkäsıptık öŋırde qoǧam ökılderımen, şyǧarmaşyl jastarmen, mūnaişylarmen jäne käsıporyn ūjymdarymen kezdesuler öttı.
Qoǧam ökılderımen kezdesu barysynda Koalisiia müşelerı aldaǧy referendumnyŋ eldıŋ bolaşaǧy, är otbasy men ärbırqazaqstandyq üşın tarihi maŋyzy turaly äŋgımelestı.
Mäjılıs töraǧasy jaŋa Konstitusiia halyqtyŋ sūranysyna negızdelgenın, ol Prezident Qasym-Jomart Toqaev jürgızıp otyrǧan jüielı reformalardyŋ däiektı jalǧasy ekenın atap öttı. Ata zaŋ jobasy – qoǧamda qordalanǧan ädıldıktı ornyqtyru, zaŋ men tärtıptıŋ üstemdıgın qamtamasyz etu jäne barşaǧa teŋ mümkındıkter beru jönındegı talaptarǧa berılgen jauap. Sondyqtan parlamenttık reformadan bastau alǧan konstitusiialyq tüzetuler Qazaqstannyŋ bolaşaǧy turaly keŋ auqymdy qoǧamdyq pıkırtalasqa ūlasyp, nätijesınde jaŋa Atazaŋnyŋ qabyldanuyna alyp keldı.
– Özderıŋız bılesızder, halyq tarapynan 10 myŋnan astam ūsynys tüstı. Azamattareldıŋ bolaşaǧy, qaǧidattar men qūndylyqtar turaly köbırek aita bastady. Osynyŋ bärın saralai kele, parlamenttık reforma jönındegı jūmys toby jaŋa Konstitusiia qabyldau qajettıgı turaly qorytyndyǧa keldı. Eldegı saiasi jüie tūtastai jaŋaryp jatyr. Bilıktıŋ barlyq tarmaqtary qaita qūryluda. «Küştı Prezident – yqpaldy Parlament – esep beretın Ükımet» formulasy beki tüsedı, – dedı Mäjılıs töraǧasy.
Erlan Qoşanov atap ötkendei, jaŋa Konstitusiia ötken men bügındı bailanystyryp, eldıŋ bolaşaqqa baǧyt alǧan jolyn aiqyndaidy. Al preambulada baiyrǧy qazaq jerınde memlekettılıktı nyǧaitu turaly qaǧidanyŋ bekıtıluı tarihi sabaqtastyqty jäne ūlttyŋ san ǧasyrlyq tarihyn aişyqtaidy.
Atyrau tūrǧyndary, öz kezegınde, jaŋartylǧan Konstitusiia jobasynda adamnyŋ qūqyqtary men bostandyqtarynyŋ jaŋa kepıldıkterı memlekettıŋ eŋ joǧary basymdyǧy retınde qarastyrylǧanyn atap öttı. Mūnaily öŋır tūrǧyndary üşın eŋbek qūqyqtaryn, äleumettık kepıldıkterdı qorǧau üşın qūqyqtyq mehanizmderdı nyǧaitu, sondai-aq Zaŋ men Tärtıptıŋ üstemdıgı prinsipın bekıtu erekşe maŋyzdy. Būl investorlar üşın de, jūmysşylar üşın de aldyn ala boljanatyn qūqyqtyq ortany qamtamasyz etedı.
Äŋgıme barysynda qorşaǧan ortaǧa jauapkerşılıkpen qarau normalaryna erekşe nazar audaryldy. Olar alǧaş ret Ata zaŋda ırgelı prinsipter deŋgeiınde bekıtılude. Jūrtşylyqtyŋ pıkırınşe, būl ereje mūnaily öŋır üşın asa özektı. Ekologiialyq qauıpsızdık pen tabiǧi resurstardy qorǧau mäselelerı mūnda tek deklarasiia emes, keler ūrpaq üşın naqty bolaşaq kepıldıgı bolyp sanalady.
Aimaqtyŋ şyǧarmaşyl jastarymenkezdesu «Atyrau Creative Hub» ortalyǧynda öttı. Bılım beru, ǧylym, innovasiialar, sifrlyq qūqyqtardy qorǧau jäne talantty jastardyŋ äleuetın tanytu mäselelerıne erekşe nazar audaryldy. Kezdesuge qatysuşylar jaŋa Konstitusiia tehnologiialar men jasandy intellektqarqyndy damyǧan däuırde jeke derekterdı qorǧaudy küşeitetının jäne sifrlyq qauıpsızdıktıŋ zamanaui standarttarynqalyptastyratynyn atap öttı.
Otbasylyq mäseleler men qoǧamymyzǧa tän dästürlı qūndylyqtardy saqtauǧa arnaiy nazar audaryldy. Jas atyraulyqtar jaŋa Konstitusiiada nekenı erıktı türde jasalǧan er men äieldıŋ odaǧy retınde naqty aiqyndauotbasylyq institutty qoldauǧa baǧyttalǧan jüielı memlekettık saiasatty qalyptastyruǧa jäne ony qūqyqtyq deŋgeide qorǧauǧa mümkındık beretınıne toqtaldy.
Är adamnyŋ eŋbek etu qūqyǧy, qauıpsız eŋbek jaǧdailary, ädıl eŋbekaqy jäne äleumettık qorǧau syndy jaŋa Konstitusiia jobasynda jariialanǧan normalar «QazTurboRemont» qyzmet körsetu ortalyǧynyŋ ūjymymen ötken kezdesulerde talqylandy.
Käsıporynnyŋ jas mamandary memleket pen biznes olardyŋ käsıbi damuyna qandai mümkındıkter jasaitynyna qyzyǧuşylyq tanytty. Äsırese, memleket adamnyŋ bılımı men käsıbilıgın eldıŋ strategiialyq resursyna ainaldyruǧa jaǧdai jasau jauapkerşılıgın öz moinyna alatyny turaly prinsipke köbırek nazar audardy. Öndırıs mamandarynyŋ pıkırınşe, būl öŋırdegı jastardyŋ damu kökjiegın keŋeitedı.
Kezdesu barysynda käsıporyn qyzmetkerlerı eŋbek jaǧdailary men zamanaui innovasiialyq öndırısterdı damytu mäselelerıne qatysty bırqatar sūraq qoidy. Irgelı ūjym müşelerı jaŋarǧan Ata zaŋ eŋbek jaǧdailarynyŋ qauıpsızdıgın jäne ädıl eŋbekaqy kepıldıkterın küşeitetının, al memlekettık saiasat adamnyŋ eŋbegı men käsıbi jetıstıkterıne negızdelıp qūrylatynyn atap körsettı.
Kezdesuler qorytyndysy boiynşa Atyrau tūrǧyndary 15 nauryzdaǧy referendumǧa qatysu ärbır qazaqstandyqtyŋ azamattyq boryşy ekenın aitty. Jergılıktı jūrtşylyq öz taŋdau qūqyǧyn paidalanyp, Qazaqstannyŋ tūraqty bolaşaǧy üşın dauys beruge niettı ekenın bıldırdı.
Jalpyūlttyq Koalisiianyŋ baspasöz qyzmetı
Surettı tüsırgen: Jaslan Jumabekov, Talgat Tanybaev
Daiyndaǧan: «AMANAT MEDIA GROUP» JŞS
Tapsyrys beruşı: M.J. Ospanov
«AMANAT» partiiasy» QB qarajatynan tölendı
