26 aqpanda Aqmola oblysynyŋ Şuchinsk qalasyndaǧy dämhanada bolǧan jarylys pen ört saldarynan qaza tapqandar sany segız adamǧa jettı, dep habarlaidy "Adyrna" ūlttyq portaly.
Densaulyq saqtau basqarmasynyŋ mälımetınşe, auyr küiık alǧan nauqastardyŋ bırı “Avisenna Burabai” auruhanasynda köz jūmǧan. Därıgerler onyŋ ömırın saqtap qalu üşın barlyq qajettı em-dom şaralaryn jürgızgenımen, nauqastyŋ jaǧdaiy tym auyr bolǧan.
Qazırgı uaqytta oqiǧa saldarynan zardap şekkender öŋırdegı medisinalyq mekemelerde em qabyldap jatyr. Tört adam Kökşetaudaǧy Aqmola oblystyq köpsalaly auruhanasyna jetkızılgen. Därıgerler olardyŋ üşeuınıŋ jaǧdaiyn auyr, bıraq tūraqty dep baǧalap otyr. Mamandar äzırge olardy basqa qalaǧa tasymaldau mümkın emes ekenın aitady. Taǧy bır nauqastyŋ denesınıŋ 85 paiyzy küiıp, jaǧdaiy asa auyr küide qalyp otyr.
Aqmola oblystyq densaulyq saqtau basqarmasynyŋ basşysy Nariman Ermektıŋ aituynşa, zardap şekkenderdıŋ bır bölıgı sanitarlyq aviasiia arqyly jetkızılse, taǧy bır nauqas reanimobilmen tasymaldanǧan. Qazırgı taŋda auyr haldegı pasientter jasandy tynys alu apparatyna qosylǧan. Olardyŋ jaǧdaiy kün saiyn därıgerler konsiliumy arqyly baqylauda. Emdeu barysynda zamanaui terapiia ädısterı qoldanylyp, Astanadaǧy Şūǧyl medisina ortalyǧymen tūraqty bailanys ornatylǧan.
