Bıznesińizdi qaıta bastaý úshin «INFOKAZAKHSTAN» platformasyna tirkelińiz

2845
Adyrna.kz Telegram

Shymkent qalasynda 17 tamyzdan bastap shekteý sharalaryn kezeń-kezeńimen jeńildetý boıynsha sheshim qabyldandy. Osyǵan oraı kásipkerlik nysandar óz jumysyn qaıta bastaý barysynda «InfoKazakhstan» biryńǵaı portaly arqyly júzege asyrýy tıis. Bul platformaǵa tirkelý 4 qadamnan turady:

1-qadam. «InfoKazakhstan» saıtyna kirip, uıymyńyzdy elektrondy ıfrlyq qoltańba arqyly tirkep, kásibińizge qoıylǵan talaptarmen tanysyńyz. Bıznestiń jekelegen túrleri jumysyn tekserýsiz, habarlama tártibinde qaıta bastaı alady.

2-qadam. Nysandy talaptarǵa saı daıyndap, jumys isteýge daıyndyǵyńyzdy elektrondy ótinim berý arqyly rastańyz.

3-qadam. Sanıtarlyq-epıdemıologııalyq qyzmettiń tekserý júrgizýin kútesiz.

4-qadam. Tekserý júrgizilgen soń nátıje oń bolsa, onda jeke kabınette jumysty qaıta bastaýǵa sanıtarlyq normalarǵa sáıkestik aktisin júktep alý qajet. Eger nátıjesi teris bolsa, onda olqylyqtardy rettep, ótinimdi qaıta jiberińiz.

Ótinimdi «InfoKazakhstan» saıtyna bergennen keıin, saýda, sondaı-aq adamdar kóp shoǵyrlanatyn nysandaryna sanıtarlyq-epıdemıologııalyq qyzmettiń tekserý júrgiziletini jáne tek sol tekserý nátıjesinen keıin ǵana nysandy ashýǵa ruqsat beriletinin kásipkerlerdiń nazaryna jetkizemiz.

Aıta keteıik, bul saıtta ákimdikter, sanıtarlyq dárigerler, polıııa, óńirlik palatalar jáne tutynýshylar lıgasy ókilderinen quralǵan turaqty monıtorıngtik top jumys isteıdi. Resýrs qyzmetin bir mezgilde 150 000 tutynýshy paıdalana alady. Al suraqtardy biryńǵaı baılanys-ortalyǵyna 1432 (qońyraý shalý tegin) qońyraý shalyp, qoıýǵa bolady.

Eskerteıik, 17 tamyzdan bastap ruqsat beriletin nysandardyń ózindik tərtibi bar:

Saýda úıleri (býtıkter), saýda jelileri, jabyq bazarlar (tolymdylyǵy 30%-dan aspaýy tıis, 1 kelýshige 4 sh.m), sulýlyq salondary, shashtaraz, SPA ortalyqtary, kosmetologııalyq qyzmet kórsetetin nysandar (aldyn ala jazylý boıynsha 1 kelýshige 4 sh.m.), basseıni joq fıtnes ortalyqtary (tolymdylyǵy 50%-dan aspaýy tıis, 1 kelýshige 5 sh.m.), basseıni joq monshalar men saýnalar (tolymdylyǵy 50%-dan aspaýy tıis, 1 kelýshige 4 sh.m.) jumysyn qaıta bastaıdy. Sondaı-aq, balalarǵa arnalǵan túzetý kabınetteri, balalar jáne eresekterge bilim berý ortalyqtary (jazylý boıynsha, toptarda 5 adamnan aspaýy tıis), mektepke deıingi balalar mekemeleriniń kezekshi toptary (15 adamnan artyq emes) jáne ashyq aýadaǵy attrakıondar (qashyqtyqty saqtaý, betperde taǵý, adamdar aǵynyn retteý) jumystaryna kirisedi.

Al toptyq jattyǵýlar jasaýǵa (5 adamnan artyq emes) jáne ulttyq qurama, klýb komandalary úshin sporttyq jattyǵýlar jasaýǵa (30 adamnan artyq emes, sport bazalarynda turý, epıdemııaǵa qarsy sharalardy jáne aldyn alý sharalaryn saqtaý) ruqsat etiledi.

Shymkent

Pikirler