Tamyz aıynyń on birinshi juldyzynda Jambyl oblysy ákimdigi Ishki saıasat basqarmasynyń tapsyrysy boıynsha «Adyrna» ulttyq-etnografııalyq birlestigi Ábý Nasyr ál-Farabıdiń 1150 jyldyǵy aıasynda jas ǵalymdardyń, stýdentterdiń jáne oqýshylardyń qatysýymen ǵylym jáne tehnologııalardy damytýǵa baýlıtyn fılm kórsetti.
Fılmniń tanystyrylymy Taraz qalasy, Yqylas Dúkenuly atyndaǵy mádenıet úıinde ótti. Fılm bastalmas buryn «Adyrna» ulttyq-etnografııalyq birlestiginiń basshysy Áýbákir Arman Serikuly sóz alyp, jastarǵa taǵylymdy áńgimelerden mysaldar aıtyp berdi.
Fılmge kelgen kórermenderdiń biri Jambylqyzy Aıdana: «Karantın bastalǵaly kınoteatrǵa barý degendi umytqan edik. Al búgin sondaı tamasha kóńil-kúıde anımaııalyq mýltfılm jáne derekti fılmdi tamashaladyq. Fılmniń tárbıelik máni zor, eń bastysy ǵylym men bilimge baýlıdy» dep qýana pikir bildirdi. Rasymen fılm jastardyń boıynda patrıottyq rýh qalyptastyryp qana qoımaı, ómir súrýge degen motıvaııa syılaıdy.
Shara sońynda Shý aýdany mádenıet úıiniń qyzmetkeri Erbosyn Qasymbekov ásem áýenin sharyqtata shyrqady.
"Adyrna" ulttyq portaly
