Qazaqstandyq JOO-daǵy bilim alý quny qansha?

1029

Sanaýly kúnderdiń keıin bilim granty ıgerleriniń tizimi shyǵady. Bıyl tegin bilim alýǵa úmitker túlekterdiń sany 80 myńnan asady. Olardyń ishinen 53 myń qazaqstandyq talapker joǵary bilimdi tegin – memleket esebinen ala alady. Al bul tizimge ilige almaı qalǵan túlekter aqyly negizde oqý úshin qoljetimdi joǵary oqý ornyn izdep, álek bolatyny anyq. «Adyrna» ulttyq portaly qazaqstandyq JOO-daǵy bilim alý qunyn anyqtady.

KIMEP ýnıversıteti

Elimizdegi eń qymbat joǵary oqý orny - KIMEP ýnıversıteti. Bul bilim ordasyndaǵy oqý aqysy 2 mıllıon 700 myń teńgeden bastalady.Ýnıversıtet stýdenterine aǵylshyn tilinde oqytatyn 31 akademııalyq baǵdarlamany usynady.

ál-Farabı atyndaǵy QazUÝ

Al Qazaqstandaǵy kóp salaly ýnıversıtterdiń ulttyq reıtıngisin bastap turǵan ál-Farabı atyndaǵy Qazaq ulttyq ýnıversıtetinde oqý aqysy 1 mıllıon teńgeden 1 mıllıon 600 myń teńgege deıin barady. Oqý orny jaqynda álemniń úzdik 165 ýnıversıtetiniń qataryna endi.

Gýmılev atyndaǵy EUÝ

Eger siz reıtıngte ekinshi oryn alatyn Gýmılev atyndaǵy Evrazııa ulttyq ýnıversıtetinde oqyǵyńyz kelse kem degende 1 mıllıon 150 teńge qarjy jınap qoıyńyz. 2000 jyldan bastap ýnıversıtet halyqaralyq deńgeıdegi joǵary oqý orny bolyp sanalady.

Asfendııarov atyndaǵy QazUMÝ

Bolashaq dárigerlerdi daıyndaıtyn Asfendııarov atyndaǵy Qazaq ulttyq medıınalyq ýnıversıtetinde oqý aqysy 635 myń teńgeden bastalady. Ýnıversıtette Qazaqstannyń belgili ǵalym-pedagogtary, QR Ulttyq Ulttyq ǵylym akademııasynyń, Reseı medıınalyq ǵylymdar akademııasynyń, QR Profılaktıkalyq medıına akademııasynyń, Halyqaralyq akadamııalardyń akademıkteri qyzmet etedi.

UIB ýnıversıteti

Almaty shaharynyń tórinde ornalasqan Halyqaralyq bıznes ýnıversıtetinde de oqý aqysy arzan emes. Bul jerde oqý úshin jylyna kem degende 800 myń teńge tóleýińiz kerek. Sonymen qatar, kelesi kýrsqa aıaq basqan saıyn bul baǵanyń kóterilip otyratynyn umytpaǵanyńyz jón.

Sátbaev atyndaǵy QazUTÝ

Tehnıkalyq baǵytty tańdasańyz, qujattaryńyzdy Sátbaev ýnıversıtetine tapsyryńyz. Ol elimizdegi eń úzdik tehnıkalyq joǵary oqý orny. Oqý aqysy 635 myń teńgeden bastalady.

Júrgenov atyndaǵy Qazaq ulttyq óner akademııasy

Júrgenov atyndaǵy Qazaq ulttyq óner akademııasyndaǵy oqý aqysy 600-640 myń teńge aralyǵyn quraıdy. Oqý 12 mamandyq jáne 39 arnaýly mamandyq boıynsha júrgiziledi.

M.Áýezov atyndaǵy OQMPÝ

Shymkent qalasynda ornalasqan M.Áýezov atyndaǵy Ońtústik Qazaqstan memlekettik pedagogıkalyq ýnıversıteti elimizdegi úzdik joǵary oqý ornynyń úshtigine kiredi. Oqý aqysy barlyq mamandyqtarǵa birdeı, 360 myń teńgeni quraıdy.

M.Ótemisuly atyndaǵy BQÝ

Elimizdiń batys óńirinde oqý áldeqaıda arzanǵa shyǵady.  M.Ótemisuly atyndaǵy Batys Qazaqstan ýnıversıtetinde aqyly bilim alý 287 myń teńgeden bastalady.

Qorqyt ata atyndaǵy QMÝ

Elimizdegi eń qoljetimdi oqý oryndarynyń biri Qorqyt ata atyndaǵy Qyzylorda memlekettik ýnıversıteti. Oqý aqysy - 270-443 myń teńge aralyǵynda.

Ekonomıka, ıýrısprýdenııa, halyqaralyq qatynastar, halyqaralyq quqyq, álemdik ekonomıka, stomotologııa mamandyqtarynyń oqý aqysy basqa mamandyqtarǵa qaraǵanda joǵary.

Bilim jáne ǵylym mınıstri Ashat Aımaǵambetov joǵary oqý oryndarynan pandemııa kezinde oqý aqysyn kótermeýdi suraǵan edi. Dese de, joǵaryda kórsetilgen baǵalarǵa qarap, mınıstrdiń ótinishine qulaq asqan ýnıversıtetterdiń saýsaqpen sanarlyq ekenine kóz jetkizip otyrmyz.

Dıana ASANOVA,

«Adyrna» ulttyq portaly

Pikirler
Redakııa tańdaýy