Beırýttaǵy jarylystan qaıtys bolǵandardyń sany 137-gejetip, jaraqat alǵandar 5000-nan asty. Iz-tússiz joǵalyp ketken adamdar da bar, dep habarlaıdy "Habar 24" kz.
Qala gýbernatorynyń habarlaýynsha, jarylystyń shyǵyny 15 mlrd dollar. Qazir munda 2 apta tótenshe jaǵdaı jarııalanǵan.
Lıvannyń aqparat mınıstri qoıma jumysyna jaýaptylardyń barlyǵy úı qamaýyna alynady deıdi.
Qoımada 2014 jyldyń maýsymynan beri 2750 tonna ammonıı nıtraty zańsyz saqtalǵan. Jarylystan barlyǵymyz zardap shektik. Bul - ulttyq apat boldy - deıdi mınıstr.
Porttaǵy jarylǵan ammıak selıtrasy qoımada 6 jyl saqtalǵan. Júk Reseı azamaty Igr Rechýshınge tıesili. Grýzııadan Mozambıkke hımıkattar tasýmen aınalysqan keme bir saparda buzylyp, Beırýtta toqtaǵan. Keme salyq tólemegendikten júgimen birge qamaýǵa alynady. Al keme ıesi Rechýshkın eshqandaı aqsha tólemeı, ekıpajdyń 4 múshesi eline bir jyldan keıin ázer oralǵan. Porttyń keden qyzmeti bılikten qoımadaǵy qaýipti zatty joıýǵa 6 ret ótinish jasaǵan. Belgisiz sebeptermen ótinish aıaqsyz qalǵan.
Qazaqstannyń Lıvandaǵy elshiliginde 113 qazaqstandyq tirkelgen. Olardyń eshqaısysy jarylystan zardap shekpegeni málńm boldy.
Qazir Eýropa elderi Lıvanǵa alǵashqy kómekterin kórsetip jatyr.
"Adyrna" ulttyq portaly
