Lıvanda soqqy saldarynan qaza tapqandar sany artyp jatyr, dep habarlaıdy "Adyrna" ulttyq portaly.
Sheteldik BAQ-ta Izraıl soqqysynan keminde 20 adam qaza tapqany habarlandy.
2024 jyldyń 6 qarashasynda Izraıldiń Áskerı-áýe kúshteri Lıvannyń ońtústiginde ornalasqan Bardja qalasyna áýe soqqysyn jasady, nátıjesinde 20 adam qaza taýyp, 14 adam jaraqat aldy.
Lıvannyń Densaýlyq saqtaý mınıstrligi áleýmettik jelidegi X paraqshasynda jedel áreket etý ortalyǵynyń málimetin jarııalap, qıraǵan ǵımarattardy arshý men qutqarý jumystary áli de jalǵasyp jatqanyn málimdedi.
Buǵan deıin, 3 qarasha kúni, bir táýliktiń ishinde Izraıl armııasynyń áreketteri saldarynan 55 palestınalyq jáne 71 lıvandyq azamat qaza tapqany habarlanǵan bolatyn. Jańa qurbandardy eskergende, 2023 jyldyń qazan aıynan beri Lıvandaǵy jalpy qaza tapqandar sany 2 968 adamǵa jetip, jaralanǵandar sany 13 319 adam boldy.
Aıta keteıik, bir aı buryn Izraıldiń Beırýt ortalyǵyna jasalǵan áýe shabýylynan kem degende alty adam qaza tapqany aıtyldy.
