Livanda soqqy saldarynan qaza tapqandar sany artyp jatyr, dep habarlaidy "Adyrna" ūlttyq portaly.
Şeteldık BAQ-ta İzrail soqqysynan kemınde 20 adam qaza tapqany habarlandy.
2024 jyldyŋ 6 qaraşasynda İzraildıŋ Äskeri-äue küşterı Livannyŋ oŋtüstıgınde ornalasqan Bardja qalasyna äue soqqysyn jasady, nätijesınde 20 adam qaza tauyp, 14 adam jaraqat aldy.
Livannyŋ Densaulyq saqtau ministrlıgı äleumettık jelıdegı X paraqşasynda jedel äreket etu ortalyǧynyŋ mälımetın jariialap, qiraǧan ǧimarattardy arşu men qūtqaru jūmystary älı de jalǧasyp jatqanyn mälımdedı.
Būǧan deiın, 3 qaraşa künı, bır täulıktıŋ ışınde İzrail armiiasynyŋ äreketterı saldarynan 55 palestinalyq jäne 71 livandyq azamat qaza tapqany habarlanǧan bolatyn. Jaŋa qūrbandardy eskergende, 2023 jyldyŋ qazan aiynan berı Livandaǧy jalpy qaza tapqandar sany 2 968 adamǧa jetıp, jaralanǧandar sany 13 319 adam boldy.
Aita keteiık, bır ai būryn İzraildıŋ Beirut ortalyǧyna jasalǧan äue şabuylynan kem degende alty adam qaza tapqany aityldy.
Ūqsas jaŋalyqtar
