Dárigerlerdiń 2 mln tólemaqysy men 10 mln ótemaqysy qashan tolyqtaı beriledi?

575

Qazaqstanda koronavırýs ınfekııasy taralǵaly beri 8518 medıına qyzmetkeri osy indetti juqtyrsa, 51 qyzmetker qaıtys boldy.

Naýryz aıynda Aqparat jáne qoǵamdyq damý mınıstri Dáýren Abaev dárigerlerge memleket tarapynan jan-jaqty kómek kórsetiletinin aıtty.

«Medıına qyzmetkerleriniń densaýlyǵy men ómirin saqtandyrý máselesi de pysyqtaldy. Olar aýyryp qalǵan jaǵdaıda 2 mln teńge mólsherinde saqtandyrý tólemi beriledi. Qudaı saqtasyn, eger olar qaıtys bolǵan jaǵdaıda 10 mln teńge kóleminde tólemaqy beriledi», -  dedi mınstr.

Arada 4 aı ótkende  Memlekettik áleýmettik saqtandyrý qory ( MÁSQ) bir jolǵy tólem alýǵa 123 medıına qyzmetkeriniń ótinish bergenin, olardyń 113-ne bir jolǵy tólem tólengenin habarlady.

Aıta keter bir jaıt, aýrý juqtyrǵan dáriger koronavırýsty naýqasty emdeý barysynda juqtyrǵanyn dáleldeý kerek. Ólimge ákelgen jaǵdaıy da solaı dáleldený kerek. Sol sebepti jergilikti densaýlyq saqtaý basqarmalarynyń arnaıy komıssııalary tólemaqy ótinishin qanaǵattandyrýy da, qanaǵattandyrmaýy da múmkin. Keıbir dárigerler ótinish jazǵan adamdy tergep-tekseretinin, aqsha bermeýdiń amalyn jasaıtynyn aıtady.

Kúni keshe Ortalyq kommýnıkaııalar qyzmetinde ótken baspasóz konferenııasynda oı myrza osy tólemaqy jóninde mandytyp eshteńe deı almady. Bul suraqqa jalǵyz oı emes, birneshe shendiniń jaýap bere almaı qınalyp ketkenin bilemiz. Memleket ýáde etken nárseni tolyqtaı berýge mindetti emes pe? Endeshe ony nege saǵyzsha sozyp júr? Qaıtys bolǵandarǵa ótemaqy sol kúıi berilmeı kete me? Joǵaryda atalǵan 8515 qyzmetkerdiń 113-i ǵana qyzmet barysynda koronavırýs juqtyrǵan ba? Sonda 8402 dáriger vırýsty qalaı juqtyrǵan?... Kókeıde osy sekildi san saýaldar tur. Ázirge oǵan jaýap berer adam tabylmaı tur.

Al qaıtys bolǵan dárigerlerge marapattar ǵana tabystalyp júr. Ázirge Shymkent ákimi Murat Áıtenov óz oblysynda qaıtys bolǵan dárigerlerdiń otbasyna 1 mln teńgeden kómek berdi. Ákimniń sózinshe, bul qarajat memleket tarapynan beriletin 10 mln ótemaqydan tys jasalyp jatqan kómek.

El arasynda jergilikti aýrýhana basshylary berilýi tıis 2 mln teńgeniń biraz bóligin óz qaltasyna salyp alýy múmkin ekenin aıtýda. Tólenetin tólemaqy úshin dárigerler basshylyqtyń qysymyna  ushyramaý kerek. Sol sebepti, tólemaqy men ótemaqy alatyn dárigerlerdiń aty-jóni baspasóz betinde jarııalanýy tıis dep esepteımiz. Jemqorlyqtyń aldyn alýǵa budan ózge jol joq.

Janbolat Saryqasqa

Pikirler
Redakııa tańdaýy