Ūzaq jyl Elbasynyŋ saiasi mäseleler jönındegı keŋesşısı bolǧan Ermūhamed Ertısbaev «NeKuryltai» iutub arnasyna bergen sūhbatynda Bılım jäne ǧylym ministrı Ashat Aimaǧambetovke oŋaiǧa soqpai otyrǧanyn aitty.
–Öitkenı sapasyz bılım arqyly diplom satumen ainalysyp otyrǧan jekemenşık universitetter tarapynan oǧan qatty qarsylyq bary baiqalady. Menıŋ oiymşa, älı qyryqqa jetpegen mūndai myqty, bılımdı ministrı ornynda qaldyru kerek.Bıraq dissertasiiasyna qatysty aitylǧan pıkırge keler bolsaq. ärine, bır nūsqa bar: Ol – sotqa beru. Al ekınşı nūsqa, qazırgıdei pandemiia jailaǧan auyr kezeŋde jūmys ısteu bärınen de maŋyzdy deitın bolsaq, onyŋ ornynda qalu, qalmauyn tek qana Prezient şeşedı. Ärine adaldyq, şynaiylyq quatty qaru bolyp esepteledı. Al Aimaǧambetovtyŋ belsendı jūmys ıstep jatqany maǧan ūnaidy. Sondyqtan onyŋ jūmysyn odan ary jalǧastyrǧanyn qalar edım. Al dissertasiiaǧa keler bolsaq, ministr «men keibır qatelerdı tüzegenım ras, sol üşın keşırım sūraimyn» dep aituy kerek edı. Mūndai jaǧdaida konflikt te bırden, der kezınde şeşıledı. Etikalyq tūrǧydan mūndai mädeniettı de engızu kerek dep oilaimyn, – dedı Tūŋǧyş prezidenttıŋ būrynǧy keŋesşısı. Sätpaevtaǧy oqiǧaǧa qatysty da öz pıkırın bıldırgen Ertısbaev qūqyq qorǧau organdarynyŋ äreketın oŋ baǧalady. –Mūndai oqiǧa oryn alǧan kezde barlyq kartinany jergılıktı bilık aşyp körsetuı tiıs. Al pedofil būryn esepte tūrǧan. Aşulanǧan halyq qylmysker tūrǧan üige basa köktep kırdı. Al ol kezde kışkentai qyz divannyŋ astynda bailauly jatty. Al polisiia säbidı artynan tauyp aldy. Qylmyskerdı halyqqa bıldırmei alyp kettı. Būl jerde polisiia käsıbilıktıŋ joǧary deŋgeiın körsettı, öz mındetın adal atqardy dep oilaimyn. Köz aldyŋyzǧa elestetıp körıŋızşı, HHI ǧasyrda 2020 jyly aşulanǧan top qylmyskerdı köptıŋ közınşe aiamai teuıp, bılgenın ıstep jatsa... Būl jaǧdai qandy qylmysqa ūlasar edı. Polisiia qylmyskerdı saqtap qaldy jäne qūqyqtyq tūrǧydan dūrys ıstedı. Endı pedofil jazasyn alady. Sondyqtan men būl jerde Sätpaev qalasy qūqyq qorǧau organdarynyŋ äreketıne 5 degen baǧa qoiar edım.
Al pedofilge ölım jazasyn taǧaiyndau būl mänsız, maǧynasyz närse, Bız zaŋdy ızgılendıru turaly halyqaralyq kelısımderge qol qoidyq. Ölım jazasy qazır tek qana Belarussiiada bar. Būl – Lukaşenkonyŋ taŋdauy... Al ölım jazasyn taǧaiyndau nemese ömır boiy bas bostandyǧynan aiyru būl eŋ auyr jaza dep esepteimın, – deidı Ertısbaev.Eks-keŋesşı Ertısbaev sondai-aq qoǧamda köp söz bolǧan ükımettıŋ otstavkaǧa ketu mäselesıne qatysty da öz közqarasyn aita kettı. Ol «parlamenttık sailaudan keiın ǧana ükımet auysuy kerek» degen oida.
–Qazır maŋyzdysy, Ükımettı auystyru emes, bügıngıdei qiyn uaqytta prosedura qalai ötedı, qalai jüzege asyrylady, sol maŋyzdy. Sondyqtan Maminnıŋ ornyna bazbıreuler aityp jürgendei, Ūlttyq banktıŋ töraǧasy Dosaev kelıp nemese taǧy bır-ekı ministrdı auystyryp, kosmetikalyq özgerıs jasaudyŋ qajetı şamaly. Ony jasap ta keregı joq. Jaŋa ükımet bärıbır eskı ükımet bolyp şyǧady. Syn onsyz da köbeiedı. Halyqtyŋ narazylyǧyn tuǧyzady. Eŋ dūrysy – aldaǧy parlamenttık sailaudy kütu, – deidı Ermūhamed Ertısbaev.Ertısbaev sonymen qatar, «senatorlardy 6 jylǧa emes, bır nemese ekı jylǧa ǧana sailau kerektıgın» aitady.
–15 jyldan berı parlamentte otyrǧan senatordy bılemın. Tük te ıstegen joq. Al bır-ekı jylǧa ǧana sailansa, halyqtyŋ aldynda özı üşın belsendı jūmys ıster edı, –deidı eks-keŋesşı Ermūhamed Ertısbaev.
Erkın Qaldan,
«Adyrna» ūlttyq portaly
