Ermuhamed Ertisbaev: Mınıstr Aımaǵambetov keshirim suraı salýy kerek edi

5092

Uzaq jyl Elbasynyń saıası máseleler jónindegi keńesshisi bolǵan Ermuhamed Ertisbaev «NeKýryltaı» ıýtýb arnasyna  bergen suhbatynda Bilim jáne ǵylym mınıstri Ashat Aımaǵambetovke ońaıǵa soqpaı otyrǵanyn aıtty.

 

–Óıtkeni sapasyz  bilim arqyly dıplom satýmen aınalysyp otyrǵan jekemenshik ýnıversıtetter tarapynan oǵan qatty qarsylyq bary baıqalady. Meniń oıymsha, áli qyryqqa jetpegen mundaı myqty, bilimdi mınıstri ornynda qaldyrý kerek.

 

Biraq dıssertaııasyna qatysty aıtylǵan pikirge keler bolsaq. árıne, bir nusqa bar: Ol – sotqa berý. Al ekinshi nusqa,  qazirgideı pandemııa jaılaǵan aýyr kezeńde jumys isteý bárinen de mańyzdy deıtin bolsaq, onyń ornynda qalý, qalmaýyn tek qana Prezıent sheshedi. Árıne adaldyq, shynaıylyq qýatty qarý bolyp esepteledi. Al Aımaǵambetovtyń belsendi jumys istep jatqany maǵan unaıdy. Sondyqtan onyń jumysyn odan ary jalǵastyrǵanyn qalar edim.

Al dıssertaııaǵa keler bolsaq, mınıstr «men keıbir qatelerdi túzegenim ras, sol úshin keshirim suraımyn» dep aıtýy kerek edi. Mundaı jaǵdaıda konflıkt te birden, der kezinde sheshiledi. Etıkalyq turǵydan mundaı mádenıetti de engizý kerek dep oılaımyn, – dedi Tuńǵysh prezıdenttiń burynǵy keńesshisi.

Sátpaevtaǵy oqıǵaǵa qatysty  da óz pikirin bildirgen Ertisbaev  quqyq qorǵaý organdarynyń áreketin oń baǵalady.

–Mundaı oqıǵa oryn alǵan kezde barlyq kartınany jergilikti bılik ashyp kórsetýi tıis. Al pedofıl buryn esepte turǵan. Ashýlanǵan halyq qylmysker turǵan úıge basa kóktep kirdi. Al ol kezde kishkentaı qyz dıvannyń astynda baılaýly jatty. Al polıııa sábıdi artynan taýyp aldy. Qylmyskerdi halyqqa bildirmeı alyp ketti. Bul jerde polıııa kásibıliktiń joǵary deńgeıin kórsetti, óz mindetin adal atqardy dep oılaımyn. Kóz aldyńyzǵa elestetip kórińizshi, HHI ǵasyrda 2020 jyly ashýlanǵan top qylmyskerdi kóptiń kózinshe aıamaı teýip, bilgenin istep jatsa... Bul jaǵdaı qandy qylmysqa ulasar edi.  Polıııa qylmyskerdi saqtap qaldy jáne quqyqtyq turǵydan durys istedi. Endi pedofıl jazasyn alady. Sondyqtan men bul jerde  Sátpaev qalasy quqyq qorǵaý  organdarynyń áreketine  5 degen baǵa qoıar edim.

Al pedofılge ólim jazasyn taǵaıyndaý bul mánsiz, maǵynasyz nárse, Biz zańdy izgilendirý týraly halyqaralyq kelisimderge qol qoıdyq. Ólim jazasy qazir tek qana Belarýssııada bar. Bul – Lýkashenkonyń tańdaýy... Al ólim jazasyn taǵaıyndaý nemese ómir boıy bas bostandyǵynan aıyrý bul eń aýyr jaza dep esepteımin, – deıdi Ertisbaev.

Eks-keńesshi Ertisbaev sondaı-aq qoǵamda kóp sóz bolǵan úkimettiń otstavkaǵa ketý máselesine qatysty da óz kózqarasyn aıta ketti. Ol «parlamenttik saılaýdan keıin ǵana úkimet aýysýy kerek» degen oıda.

–Qazir mańyzdysy, Úkimetti aýystyrý emes, búgingideı qıyn ýaqytta proedýra qalaı ótedi, qalaı júzege asyrylady, sol mańyzdy. Sondyqtan Mamınniń ornyna bazbireýler aıtyp júrgendeı, Ulttyq banktiń tóraǵasy Dosaev kelip nemese taǵy bir-eki mınıstrdi aýystyryp, kosmetıkalyq ózgeris jasaýdyń qajeti shamaly. Ony jasap ta keregi joq. Jańa úkimet báribir eski úkimet bolyp shyǵady. Syn onsyz da kóbeıedi. Halyqtyń narazylyǵyn týǵyzady.  Eń durysy – aldaǵy parlamenttik saılaýdy kútý, – deıdi Ermuhamed Ertisbaev.

Ertisbaev sonymen qatar, «senatorlardy 6 jylǵa emes, bir nemese eki jylǵa ǵana saılaý kerektigin» aıtady.

–15 jyldan beri parlamentte otyrǵan senatordy bilemin. Túk te istegen joq. Al bir-eki jylǵa ǵana saılansa, halyqtyń aldynda ózi úshin belsendi jumys ister edi, –deıdi  eks-keńesshi Ermuhamed Ertisbaev.

Erkin Qaldan,

«Adyrna» ulttyq portaly

Pikirler
Redakııa tańdaýy