Bul jóninde Shymkent qalasynyń ákimi Murat Áıtenov demalys kúni tótenshe jaǵdaılardy boldyrmaý jáne aldyn alý maqsatynda, Badam ózen arnasyn burý jáne buzylǵan joldy qaıta qalpyna keltirý boıynsha atqarylatyn jumystardyń barysymen tanysý kezinde aıtty.
Ákim Abaı aýdanyna qarasty Jańatalap aýyly turǵyndarynyń zańsyz qum qazý kesirinen Badam jaǵasyn sý shaıyp ketý qaýpi bar degen shaǵymdaryn nazarǵa alyp, zańsyz jer qoınaýyn padalanýshylardyń máselesin jeke baqylaýyna aldy.
Murat Áıtenov jer qoınaýyn paıdalaný salasyndaǵy qujattardy jan-jaqty qaıta qarap, tııanaqty saraptaýdy tapsyrdy. Sonymen qatar, zańsyz jer qoınaýyn ıgerip jatqan uıymdarǵa qatysty birqatar jańa mindetter júktedi.
Kóktem jáne kúz aılarynda jaýyn shashyn saldarynan jáne Túrkistan oblysynyń Túlkibas, Tólebı aýdandarynyń taýlary men bulaq kózderinen bastaý alyp, qala aýmaǵynan ótetin jáne aǵysy qatty Badam ózeniniń sý deńgeıi kóterilip, jaǵalaýyna jaqyn ornalasqan turǵyn úıler men egistik jerlerge qaýip týyp otyrǵandyǵy baıqalady.
Qazirgi kezde Abaı aýdany aýmaǵy boıynsha jaǵalaýlaryn bekitý jáne ózen arnasyn burýdy qajet etetin 3300 metr jer anyqtalyp, jalpy quny 427,5 mln.teńgeni quraıtyn smetalyq eseptemeler ázirlenip otyr.
Aıta keteıik, Abaı aýdany aýmaǵy arqyly aǵyp ótetin Badam ózeni boıynda Qyzyljar, Igilik, Jańatalap, Táýelsizdikke 20 jyl, Kókbulaq turǵyn alabtary ornalasqan.
Shymkent
