Statistikalyq mälımetterge süiensek, Almaty qalasy eskı üilerdıŋ sany jaǧynan bırınşı orynda. Qazır apatty jaǧdaidaǧy 81 üidı būzuǧa şeşım qabyldanǧan. 25 533 azamat baspana kezegınde tūr. Qala äkımı Baqytjan Saǧyntaevtyŋ sözınşe, biyl 3800 otbasy baspanamen qamtamasyz etıledı. Onyŋ 1300-den astam päterı «Baqytty otbasy» baǧdarlamasymen berılse, 1000-ǧa juyǧy jaldamaly päter bolady. Sondai-aq 35 jasqa deiıngı jastarǧa jeŋıldetılgen baǧdarlama äzırlenıp otyr.
Qala äkımdıgı jastardy baspanamen qamtuǧa arnaiy baǧdarlama qabyldap, ony «Almaty jastary 3.0» dep atady.
«Almaty jastary 3.0» tūrǧyn üi baǧdarlamasynyŋ basty erekşelıgı – paiyzdyq mölşerı tömen. Būǧan biudjettık mekemelerde qyzmet ısteitın barlyq maman qatysa alady. Olarǧa qūny 13 mln teŋgege deiıngı satyp aluǧa ipotekalyq nesie 5 paiyzben berıledı. Satyp alatyn üidıŋ bastapqy jarnasy – 10 paiyz. Berıletın nesienı ärkım öz tölem qabıletıne qarai 3 jyldan 25 jylǧa deiın räsımdei alady.
Aita keterlıgı, biudjettık sala qyzmetkerlerıne – mūǧalımder, därıgerler, universitet oqytuşylary, mädeniet jäne sport salasynyŋ ökılderı , jurnalister men ǧalymdar, äkımşılıkke qarasty mekemelerdıŋ qyzmetkerlerı jatady.
«Almaty jastary 3.0» baǧdarlamaǧa qatysuşy jastarǧa qoiylyatyn talaptar:
- Qazaqstan Respublikasynyŋ azamaty bolu kerek;
- Qatysuşynyŋ jasy ötınış beru kezınde 35 jasqa deiın bolu kerek. Negızgı qatysuşy retınde erlı-zaiyptylardyŋ bırı ǧana qatysa alady;
- Qatysuşynyŋ resmi jūmys ötılı boiynşa Almaty qalasyndaǧy mekemelerden kem degende soŋǧy 6 ai mındettı zeinetaqy mölşerlemesı bolu qajet.
- Ümıtkerde jäne onyŋ otbasy müşelerınde menşık qūqyǧynda tūrǧyn üidıŋ, sondai-aq Qazaqstan Respublikasynyŋ aumaǧynda soŋǧy 5 jyl ışınde tūrǧyn üi jaǧdaiynyŋ ädeiı naşarlauy faktılerınıŋ bolmauy, Qazaqstan Respublikasynyŋ aumaǧynda memlekettık baǧdarlamalar jelısı boiynşa alynǧan otbasynyŋ basqa müşelerınıŋ ortaq bırlesken (ülestık) menşıgın qūraityn ülestık menşıktegı üles nemese jalǧa berıletın tūrǧyn üiı bolmauy kerek. Jekeşelendıru nemese mūragerlık qūqyǧy nätijesınde baǧdarlamaǧa qatysuşy nemese kämeletke tolǧanǧa deiın otbasy müşelerı alǧan jyljymaityn mülıktegı ülesı 4-şı (osy talapqaqa – avt.) talapqa qosylmaidy;
- Qatysuşynyŋ Almaty qalasyndaǧy jūmys ötılı kem degende 6 ai bolu kerek. Ol zeinetaqy audarymymen rastalady.
_____________________________________
azamat (şa) (tegı, aty-jönı)
_____________________________________
tūrǧylyqty meken-jaiy
Ötınış "Almaty Jastary 3.0" qalalyq jeŋıldetılgen nesie beru baǧdarlamasy arqyly, tūrǧyn üi qaryzyn (zaemyn) qamtamasyz etudı sūraimyn. Aqparattyq jüielerde qamtylǧan zaŋmen qorǧalatyn qūpiiany qūraityn mälımetterdı paidalanuǧa kelısemın.________________
toltyrǧan künı
___________
qoly
1) Ülgı boiynşa ötınış; 2) Bılımı turaly skanerlengen qūjat; 3) 2008 jylǧa deiın alynǧan neke qiiu turaly skanerlengen kuälık (bar bolsa); 4) 2008 jylǧa deiın alynǧan balalardyŋ tuu turaly skanerlengen kuälıgı (bar bolsa); 5) Ötınış beruşıge jäne Qazaqstan Respublikasy boiynşa barlyq otbasy müşelerıne jyljymaityn mülıktıŋ joq (bar) ekendıgı turaly anyqtama; 6) Belgılengen ülgıdegı firmalyq blankıde jūmys ötılı körsetılgen, ötınış pen qūjattardy tapsyrǧan künge 10 jūmys künnen artyq emes merzımde berılgen skanerlengen jūmys ornynan anyqtama; 7) Qazaqstan Respublikasy Eŋbek kodeksınıŋ 35-babyna säikes eŋbek ötılın rastaityn skanerlengen qūjattar; 8) Almaty qalasy mädeniet basqarmasynan skanerlengen rastaityn anyqtamalar (qūjattar) (atalǧan talap, mädeniet salasyndaǧy özın-özı jūmyspen qamtyǧan qatysuşylarǧa ǧana qatysty). Osy atalǧan qūjattar balldyq jüie boiynşa esepteledı. Qazırgı kezde 875 jas baǧdarlamaǧa ötınış bergen. «Almaty jastary 3.0» tūrǧyn üi baǧdarlamasynan bölek, 29 jasqa deiıngı jastarǧa jaldamaly päterler berıledı. Būl päter 5 jyl merzımge jalǧa alynady.Gülvira Asqar,
"Adyrna" ūlttyq portaly
Ūqsas jaŋalyqtar
