Menińshe ar aldynda óz oıyń men isińe degen adaldyq. Júregińdi satyp ketpe.
Aıtylýǵa tıis qansha sózdi kómeıde irkip qaldyq eken deseıshi! Qanshama ret jurtqa jaǵam dep júrekke jat sózdi sóıledik te. Sosyn eń durysy osy dep ózimizdi ózimiz jubatqansydyq. Bálkim, keı jaǵdaıda sol beıimdelgish minezimizben birtalaı daýdy jeńgen shyǵarmyz, biraq júrektiń túbinde bir dyq qap ketti.
Sol dyq basqa yrǵaqpen, bóten sózben shyńǵyryp shyndyqty aıtady. Meni de estishi, júrekti tyńda deıdi. Biraq kóbine biz pendeshilikke salynyp, el ne deıdi degen úreıden asa almaımyz. Júrekti satyp ketemiz. Eldiń jalǵan maqtanyn aldanysh qylamyz.
Buryn eresek adamdar ary qaraı qandaı jol tańdaý kerek degende jigersizdikten asa almaıtynyn kóp kórýshi em. Osy nárse meni oıǵa qaldyratyn. "Ne istesem bolady?" degen suraqty jıi estımin. Jaýap óte qarapaıym: "Júregińdi tyńda". Bir qaraǵanǵa esh maǵynasy joq bos sóz sekildenedi. Alaıda tereńine boılasań, ne isteý qajetiń anyq aldyńnan tosatyn sheshim. Árdaıym júrekti tyńda.
Keıde júrek bizge: "Bárin betine aıt" dep turady. Biraq biz áreketimizdiń keltirer zalalynan qorqamyz. Keı jannyń ótirikke belsheden batqany sonsha, júrektiń bir ǵana tańdaýy búkil ómirin qurdymǵa jiberýi múmkin. Sol ómir tutas ótirikten tursa, ornyna shynaıy ómir súrgińiz kelmeı me?
Ótiriktiń aınasy shaǵylǵan kezde dymsyz qalǵan adam erkindigin sezinedi. Bálkim, sodan keıin basynan talaı qıyndyqty kesher. Júregińniń ár dúrsili erkin soqsa, qıyndyq degen túkte emes!
Sendik júrek qanshalyqty dimkás bolsa da satyp ketpegin! Júrektiń ár qalaýyna muqııat bolyp, janyń qurban bolsa da, ony tyńda. Shynaıylyqty tańdaı otyryp aqıqattyń jolyna túsesiń.
Don Hýan aıtpaqshy, "Joldyń bári tyǵyryqqa tireıdi, alaıda tek bir joldyń soǵatyn júregi bar".
Alekseı Pohabov,
Aýdarǵan Shynar Ábilda
"Fılosofııa maga"
