Türkıstan oblysy Şornaq auylyndaǧy jaǧdai tūraqty. Būl turaly Türkıstan oblysynyŋ polisiia departamentı habarlady.
"Äleumettık jelılerde bır top azamattar polisiia qyzmetkerınıŋ qatysuymen özderınıŋ narazylyqtaryn bıldırgen beinejazba taralǧan bolatyn. Būǧan deiın habarlanǧandai, Türkıstan oblysy Kentau qalasyna qarasty Şornaq auylynda polisiia qyzmetkerlerı aldyn alyp, toqtatqan tūrmystyq janjal oryn aldy.
Oqiǧa ornyna bırınşı bolyp kelgen Kentau qalalyq PB-nıŋ uchaskelık polisiia inspektory janjaldy jaǧdaidy toqtatu şaralaryn jürgızdı. Polisiia qyzmetkerı alǧan jaraqatyna jäne azamattardyŋ belsendı baǧynbauşylyǧyna qaramastan öz mındetın atqaryp, küş pen atys qaruyn qoldanuǧa jol bermedı. Uchaskelık polisiia inspektory men üş auyl tūrǧyny tastan jaraqat alǧan. Olarǧa medisinalyq kömek körsetıldı. Kelesı künı Şornaq auylynda arandatuşylar jinalyp, jaqyn maŋdaǧy auyl tūrǧyndaryn zaŋǧa qaişy äreketter jasauǧa şaqyrǧan. Atalǧan jait polisiia qyzmetkerlerımen bırden toqtatyldy. Auyl tūrǧyndarymen oblystyŋ qoǧamdyq jäne äkımdık ökılderı kezdestı. Jürgızılgen ızdestıru ıs-şaralary barysynda kriminaldyq polisiia qyzmetkerlerı 4 azamatty anyqtap, ūstady. Onyŋ 2-euı sottyŋ şeşımımen qamauǧa alyndy. Qazırgı uaqytta oryn alǧan oqiǧanyŋ tolyq män-jaiy anyqtaluda. Būzaqylyq faktısı boiynşa sotqa deiıngı tergeu amaldary jürgızılude, - delıngen habarlamada.
"Adyrna" ūlttyq portaly
