Özbekstan astanasy Taşkent qalasynda 74 köpsalaly jäne otbasylyq emhana täulık boiy qyzmet körsetedı.
Medisina qyzmetkerlerı bolsa 12 saǧattyŋ jūmys kestesıne köştı. Būl turaly Centrasia.org koronaviruspen küres jönındegı şūǧyl ştab ökılı Barno Adilovaǧa sılteme jasap habarlady.
Barno Adilovanyŋ aituynşa, ärbır emhananyŋ jūmys tärtıbı anyqtalǧan. Därıgerler üidı-üige habarlasyp, aqparat jinaidy. Nauqastardy anyqtap, olarǧa kömek körsetu joldaryn taŋdaidy. Mäselenı tez arada şeşu joldaryn qarastyrady.
Osy jūmystardy atqaru üşın emhanalarǧa 750 ūialy telefon jetkızıldı, ärbır otbasylyq emhanada koll-ortalyqtar ūiymdastyryldy. Olar täulık boiy qyzmet körsetedı.
Habarlarǧa qaraǧanda, ärbır emhanada şūǧyl brigadalar qūryldy. Üide emdeletın nauqastarǧa därını solar jetkızedı.
Aita keteiık, Özbekstanda 18 531 adamnan koronavirus tabyldy. Olardyŋ 207-sı keşe anyqtalǧan. 99 adam qaitys bolǧan. 9 872 adam koronavirustan jazylǧan. Qazırgı kezde 8 560 adam auruhanada jatyr.
Al Qazaqstanda koronavirus jūqtyrǧandar sany 76 799 amǧa jettı. Olardyŋ 48 220-sy jazylyp şyqsa, 585 adam qaitys boldy.
Özbekstanda 31 mln-nan astam halyq tūrsa, Qazaqstan halqy 18 mln-nan asady.
"Adyrna" ūlttyq portaly
