Almaty oblysynda därı-därmektı azyq-tülık dükenderı men päterlerde satqan adamdar anyqtaldy, – dep habarlaidy «Adyrna» ūlttyq portaly Polisia.kz-ke sılteme jasap.
Almaty oblysynyŋ Polisiia departamentı Memleket basşysynyŋ, sondai-aq ışkı ıster ministrlıgı basşylyǧynyŋ tapsyrmalary aiasynda därı-därmekterdı zaŋsyz saudalau derekterın anyqtau boiynşa arnaiy mobildık toptar qūrylǧanyn eske saldy.
– Pandemiia köptegen azamattarǧa yntymaqtastyq, aiauşylyq jäne özara kömek siiaqty ūǧymdardyŋ jat ekenın körsettı: bır sätte barlyǧy farmasevt bolyp, därıhanalyq biznestı jürgızuge tyrysty. Ökınışke orai, jasyryn därıhanalar tıptı qisynǧa kelmeitın jerlerden de aşyla bastady: bazardaǧy butikterde, azyq-tülık dükenderınde, qarapaiym päterlerde. Olar lisenziiasyz äreket etıp, därı-därmekterdı reseptsız bosatty. Būndai äreketke barǧan adamdar bır mezette baiyp ketu mümkındıgın paidalanbaq boldy, al onyŋ saldary olardy eş alaŋdatpady. Būl kezekte jasyryn satylatyn därılık zattardyŋ şyǧu tegı de kümän tudyrady. Al būl adamdardyŋ ömırı men densaulyǧyna tıkelei qatysty, – dep atap öttı Almaty oblysy Polisiia departamentı bastyǧynyŋ orynbasary Daniiar Mendebaev.
Tek osy aidyŋ basynan bergı uaqyt aralyǧynda öŋırde farmasevtika salasyndaǧy zaŋsyz käsıpkerlıktıŋ 60-qa juyq deregı anyqtaldy. Zaŋsyz ainalymnan asa tapşy preparattardyŋ myŋdaǧan oramy alyndy, olardyŋ qūnyn “ısker azamattar” naryqtaǧydan üş ese joǧary baǧalaǧan
– Mysaly, jedel-ızdestıru ıs-şaralaryn jürgızu barysynda därı-därmekterdı azyq-tülık dükenınde tiıstı qūjattarsyz, qymbat baǧaǧa saudalaǧan 1965 jylǧy Z. esımdı azamatşa ūstaldy. Sonymen qatar, ol barlyq därı-därmekterdı reseptsız, bır-bırtındep satqan. Olardyŋ qatarynda: “Mukaltin”,” Validol”,” Sitramon”,” Analgin”,” Streptosid”,” Omeprazol”,” Trihopol”,” Ketonal forte”,” Kaptopril”,” Suprastin”,” Mezim”,” Renni”,” Korvalol”,” Rimantadin”,” Antigrippin”,” Nafazolin”,” Koldfri “jäne t.b. Jalpy sany 170 dana. Al ekınşı bır jaǧdaida, būrynǧy medbike audan ortalyǧyndaǧy därıhanadaǧy därı-därmekterdı satyp alyp, auylǧa äkelıp, kem degende ekı ese qymbat baǧaǧa satqan, – dep tüiındedı Daniiar Mendebaev.
“Adyrna” ūlttyq portaly
Basqalarmen bölıse
otyryŋyz
