Qazaqstan men Chernogoriia qūramalary arasynda joldastyq oiyn ötkızu jönınde resmi kelısımge qol qoiyldy, dep habarlaidy Olympic.kz. Būl turaly Qazaqstan futbol federasiiasy resmi mälımdegen.
Qazaqstan futbol federasiiasynyŋ Bas hatşysy Azamat Aitqojin men Chernogoriia futbol odaǧynyŋ bas hatşysy Momir Djurdjevas joldastyq oiyndy ötkızu turaly kelısımdı bekıttı.
«Josparǧa säikes oiyn 11 qaraşa künı Podgorisada ötedı. Jaqsy qarsylas taŋdaldy dep oilaimyn. Chernogoriia qūramasy europalyq ölşem boiynşa tūraqty oiyn körsetıp keledı. Jeke oiyn mänerı bar. Oiynnyŋ oŋai bolmaityny anyq. Ärı qarai Qazaqstan qūramasy 15 qaraşa künı UEFA Ūlttar Ligasynyŋ aiasynda Albaniiamen kezdesedı. Oŋ şeşım qabyldandy dep ümıttenemız. Chernogoriia men Albaniia jaqyn ornalasqan. Bızdıŋ komanda jolǧa ketetının küştı ünemdeidı. Basqa qarsylastardyŋ ūsynysy boiynşa joldastyq oiynǧa arnaiy baru kerek bolatyn. Ökınışke qarai, pandemiia jarysty ötkızu merzımın qysqartyp tastady. Är qadamdy esepteu qajet. Alaida, joldastyq oiyndardyŋ da maŋyzy zor. Būǧan deiın ekı joldastyq kezdesu ötpei qaldy. Elımızdegı jäne älemdegı jaǧdai rettelıp, naqty şaralar qoldanylady dep ümıttenemız. Qazaqstan qūramasynyŋ oiynşylary men jattyqtyruşylar ştaby tolyqtai daiyndyq jürgızıp, joldastyq jäne resmi kezdesulerde jaqsy oiyn körsetu üşın bar küş-jıgerın salady dep senımmen aita alamyn», - dep atap öttı Qazaqstan futbol federasiiasynyŋ qūrama komandalar departamentınıŋ direktory Qairat Nūrdäuletov.Qazaqstan 1994 jyly FİFA men AFK-ǧa, 2002 jyly UEFA-ǧa müşe bolyp kırdı. Älem, Aziia jäne Europa chempionattarynyŋ finaldyq kezeŋıne ötıp körmegen. Ötken mausymda Ūlttar ligasy dep atalatyn jaŋa turnirde de özı qarailas qūramalardyŋ arasynan Gruziiany alǧa jıberıp aldy. Qazırgı maqsaty – Ūlttar ligasynan üzdık şyǧu. Ol üşın Litva, Belarus jäne Albaniia qūramalarynan basym tüsuı kerek. Qazırgı kezde ūlttyq qūramany chehiialyq bapker Mihal Bilek jattyqtyrady.
"Adyrna" ūlttyq portaly
Ūqsas jaŋalyqtar
