"Baspasóz hatshysy qyzmetten ketsin!". "Aqjúnis" analary Ábdihalyqovaǵa hat jazdy

6304
Adyrna.kz Telegram

Respýblıkalyq "Aqjúnis" Erikti Analar qozǵalysynyń jetekshileri Qyzylorda oblysynyń ákiminen Jańaqorǵan aýdany baspasóz hatshysy Nurbol Bakırovty qyzmetinen alýyn talap etti. Aıtýlarynsha,  joldy jabýdy ýchaskelik polıııa qyzmetkerine  Nurbol Bakırov ótinish jasaǵan.

"Qyzylorda oblysynyń ákimi Ábdihalyqova G. N.

Jańaqorǵan aýdandyq ákimshiliginde baspasóz hatshysy bolyp qyzmet atqaratyn Nurbol Bakırovtyń qyzmetinen ketýin talap etemiz. Sizdiń Jańaqorǵan aýdanyna barǵan is-saparyńyzda, joldyń jabylýyn Nurbol Bakırov óz moınyna alyp, Jańaqorǵan ishki ister organdarynyń ýchaskelik polıııa qyzmetkeri Shyńǵysqa (tegin anyqtaı almadyq) jol jabý týraly ótinish aıtqany belgili bolǵan. Jańaqorǵan kentiniń turǵyny, Aqjúnis belsendisi - Sandýǵash Turlybekovanyń tikeleı efırinen keıin ártúrli feık akkaýnttardan Sandýgash Turlybekovanyń jeke bas múddesin qorlaıtyn vıdeo, pýblıkaııalar jarııalandy.

Nurbol Bakırovtyń óz qyzmetin asyra paıdalanǵany, onyń erejege saı emes is-áreketteri Qyzylorda oblysynyń ákimi - sizdiń jáne Jańaqorǵan aýdany ákimdiginiń memlekettik múddelerine kir keltirdi dep esepteımiz.
Bul máselede obl.ákiminiń "qaýipsizdigin qamtamasyz etý" maqsatynda joldy japqandaryn aýdan ákiminiń suhbaty da BAQ-ta, áleýmettik jelilerde jarııalandy. Osy oraıda aýdan ákimi de jaýapqa tartylýy tıis dep esepteımiz.

Joǵarǵy jazylǵandardy eskere otyryp, Jańaqorǵan aýdanynyń ákimshilik baspasóz hatshysy Nýrbol Bakırovty qyzmetinen bosatýdy talap etemiz.

Qurmetpen, Respýblıkalyq "Aqjúnis" Erikti Analar qozǵalysynyń jetekshileri:

Sáýle Ábildahanqyzy
Janat Estaeva
Juldyz Aqtanjanova
Aıman Batyrbekova
Maqpal Ábisheva
Lázzat Kojahmet
Nesibeli Haırýllaeva
Gýlzıra Manabaeba
Galııa Jýsýpova
Gúlshat Rasýl
Gýljamal Bershımbekova
Salamat Jýmanalıeva
Anar Sataı
Sandýǵash Turlybekova", - delinedi feısbýk jazbasynda.

Eske sala keteıik, Jańaqorǵan aýdanynyń turǵyny Sandýǵash  Turlybekova Qyzylorda oblysynyń ákimi keledi dep joldy jaýyp tastaǵanyn aıtyp, vıdeo jarııalap,  ákimniń ózine de datyn aıtqan edi.

Al Gúlshara Ábdihalyqova oǵan joldy japtyrmaǵanyn aıtty. Baspasózge resmı suhbat berdi.

"Men joldy jabý týraly tapsyrma bergen joqpyn, aýdan ákimi de eshqandaı tapsyrma bermedi. Sol jerdegi ishki ister bóliminiń basshysy da ondaı tapsyrma berilmegenin aıtyp otyr. Bul ýchaskelik polıııanyń sheshimi bolsa, onyń is-áreketine qatysty oblystyq departament basshysy Sultan Bektórege tapsyrma berdim," - dedi.

 

 

 

 

Pikirler