Memleket basşysy Qasym-Jomart Toqaev Eŋbek jäne halyqty äleumettık qorǧau ministrı Svetlana Jaqypovany qabyldady, dep habarlaidy «Adyrna» tılşısı.
Prezidentke eŋbek jäne äleumettık qorǧau salasyndaǧy memlekettık saiasattyŋ basty baǧyttaryn jüzege asyru barysy jönınde baiandaldy.
Svetlana Jaqypova halyqty jūmyspen qamtu şaralary turaly aitty. Bügıngı taŋda azamattardy jūmyspen qamtu boiynşa 2029 jylǧa deiıngı jospardyŋ 83 paiyzy oryndalǧan. Soŋǧy bes jylda 2,7 million adam eŋbekke tartyldy. Sapaly jūmys oryndaryn köptep aşu üşın öŋırlık jol kartasy men jyl saiynǧy KPI ıske asyryluda.
Memleket basşysyna biylǧy 10 aida atauly äleumettık kömek aluşylardyŋ sany 30 paiyzǧa azaiǧany jaiynda aqparat berıldı. Nätijesınde resurstardy şyn mänınde mūqtaj jandarǧa qaita bölu mümkındıgı paida bolǧan. Qazırgı kezde mūndai kömek türın 285,1 myŋ adam aldy. Būl maqsatqa 27,1 milliard teŋge jūmsalmaq.
Sonymen qatar ministr öndırıstık jaraqat alu 6,5 paiyzǧa, al kısı ölımıne äkelıp soǧatyn qaiǧyly oqiǧalar 4,5 paiyzǧa azaiǧanyn mälımdedı. Ūsynylǧan derekke säikes, Äleumettık qyzmetter portaly arqyly 522 myŋnan astam adamǧa qyzmet körsetılgen, 27 myŋ azamat invataksi kömegıne jügıngen.
Būdan bölek, Prezidentke biyl bazalyq zeinetaqy mölşerı eŋ tömengı künkörıs deŋgeiınıŋ 70 paiyzyna deiın ūlǧaitylǧany turaly esep berıldı. Jyl saiyn infliasiia deŋgeiıne säikes indeksasiialau jürgızıledı. Jūmys beruşı tarapynan tölenetın mındettı zeinetaqy jarnasynyŋ mölşerlemesı kezeŋ-kezeŋımen ösıp, 2028 jylǧa qarai 5 paiyzǧa jetedı. Jūmyspen qamtylǧan halyqtyŋ 65 paiyzy jinaqtauşy zeinetaqy qorynyŋ salymşylary sanalady.
Kezdesu soŋynda Memleket basşysy jūmyspen qamtu sapasyn jaqsartuǧa, äleumettık qoldau tetıkterın odan ärı sifrlandyruǧa, eŋbek qatynastaryndaǧy qauıp-qaterlerdıŋ aldyn alu şaralaryn küşeituge, zeinetaqy jüiesın jäne köşı-qon saiasatyn jetıldıruge baǧyttalǧan bırqatar tapsyrma berdı.
