Atyraý oblysynda memlekettik mekemeniń qarjylandyrýymen "Azan" atty dinı ınternet-radıo iske qosylmaq, - dep habarlaıdy Adyrna ulttyq portaly.
Qazaqstan - zaıyrly memleket. Konstıtýııada memleketimizdiń eshqandaı dinge basymdyq bermeıtini taıǵa tańba basqandaı jazylǵan. Soǵan qaramastan, Atyraý oblysy Din isteri basqarmasy «Azan» atty dinı baǵyttaǵy radıo ashqaly jatqany qalaı? Memlekettiń bıýdjetinen qarjylandyrylǵaly otyrǵan bul radıo qandaı dindi nasıhattamaq?
Oblystyq Din basqarmasy taratqan aqparatta: "Atyraý oblystyq Din isteri basqarmasynyń "Qazir qoǵamda jat dinı aǵym ıdeologııasyna ımmýnıtet qalyptastyrý maqsatynda áleýmettik jeliler, gazet-jýrnaldar jáne teleekrandarda aqparat kóptep taratylýda. Alaıda aqparat taratýdyń búgin de bastapqy úsh túri eskerilip júrse de, tórtinshi túrin, ıaǵnı radıo arqyly aqparat taratý máseleleri elimizde qarastyrylmaǵan. Soǵan baılanysty óńirde alǵash ret «Azan» radıosy óz jumysyn bastamaq. «Azan» radıosy — din men dástúr, ýaqyt pen zaman talabynyń toǵysqan ortasy. Ultymyzdyń ótkeni men bolashaǵyna ún tastaýshy, óskeleń urpaq pen aǵa býyndy baılanystyratyn altyn kópir, aqparatty-saraptamalyq alań" delingen.
Ákimdik quramyndaǵy Dinı basqarma jat dinı aǵymmen kúresip, zararly dinı toptardy zań aıasynda aýyzdyqtaýǵa mindetti. Oǵan eshkimniń qarsylyǵy joq. Biraq, jat dinı aǵym ıdeologııasyna qarsy ımmýnıtet qalyptastyrý úshin buqaralyq aqparat quralyn ashyp, din men dástúrdi sabaqtastyra nasıhattaý basqarmanyń quziretine kire me? Zaıyrly memlekettiń zańy buǵan ruqsat ete ma? Atyraý oblysy ákimdigine qarasty Dinı basqarmanyń múftııattyń mindetin atqarýǵa talpynýynyń astarynda ne jatyr?
Atyraý oblysy Din isteri basqarmasy basshysynyń mindetin atqarýshy Muhtar Izǵalıev radıo jaıly: "Munda qazirgi tyńdarmannyń kókeıinde júrgen suraqqa jaýap, tańdaý aldynda turǵan jas býynǵa jol kórsetý, bılik pen qoǵamnyń bir arnada teń dıalog qurýyna muryndyq bolatyn pikirtalas ortasy bar. "Azan" radıosy — zerdeli aqparatty taratýǵa, úıretýge jáne jol silteýge baǵyttaıtyn nusqaýshy bolýdy kózdeıdi" depti.
Muhtar Izǵalıev ózi basqaryp otyrǵan memlekettik mekemeniń negizgi mindetine ne kirip, ne kirmeıtinin bilmeıtin sııaqty. Din isteri basqarmasy degen Qazaqstan azamattarynyń qandaı dindi ustanyp, qandaı jolmen júrýin kórsetetin, din úıretetin meshit-medrese emes. Ol - memlekettik mekeme. Din isteri basqarmasy, barlyq dinge birdeı kózqarasta qarap, dinishilik hám dinaralyq ahýaldardy júıelep otyrýǵa tıisti. Onyń budan basqa mindeti joq. Dástúr-saltty, dindi, Qudaıdy nasıhattaý basqarmanyń quziretine kirmeıdi.
"Azan" degen dinı rásimge, atap aıtqanda musylmandyqqa ǵana qatysty sóz. Musylmandar namazǵa jamaǵatty shaqyrý úshin azan aıtady. Demek osy bir radıoǵa ataý bolǵan dinı sózden-aq oblystyq din isteri basqarmasynyń memlekettik zaıyrlylyq ustanymyn aıaq asty etip, memleketimizdegi basqa da dinderdiń quqyǵyn taptap, tek ıslamı baǵyttaǵy radıo ashýdy kózdep otyrǵanyn baıqaýǵa bolady.
Aqan Ádil
Adyrna ulttyq portaly
