Jumyla kótergen júk jeńil: karantın kezindegi kómek

3897

Koronavırýs pandemııasy kúnnen-kúnge órship barady.  Bul indet elimizdiń birligi men yntymaǵyn da synǵa alǵandaı.

Dana halqymyz synalar sátte vırýsty jeńýge belsene atsalysyp, bir-birine qol ushyn sozýda.

«Adyrna» ulttyq portaly tótenshe jaǵdaı kezinde jasalǵan jaqsylyqtardyń bir parasyn nazarlaryńyzǵa usynady.

 

Karantınniń alǵashqy kúnderindegi kómek

 

Elimizge tótenshe jaǵdaı engizilgen kúnnen bastap ákimdikter men volonterler, kásipkerler men tanymal adamdar muqtaj otbasylarǵa azyq-túlik pen gıgıenalyq paketter taratqan bolatyn. «Jas Otan» jastar qanatynyń eriktisi Bıbinur Shernııaz «Biz birgemiz» chellendjin bastap, óz qolymen tikken maskalardy áleýmettik jumysshylarǵa tegin úlestirdi. Bul akııa elimizdiń túkpir-túkpirinde óz jalǵasyn tapty. Osy oraıda belgili dızaıner, marqum Berik Ismaılov ta úlken úles qosyp, qazaq halqynyń júreginde óziniń márttigimen este qaldy. Al Ardaq Nazarov, Tursynbek Qabatov, Marjan Arapbaeva, Berkýt, Gúlzıra Aıdarbekova syndy tanymal adamdar erikti túrde az qamtylǵan otbasylarǵa kómektesip, halyqtyń alǵysyna bólendi. Elbasymyzdyń bastamasymen qurylǵan «Biz Birgemiz» qoryna Tımýr Qulybaev 10 mln dollar, Keńes Raqyshev 1 mln dollar, Ǵalymjan Esenov, Aıdyn Rahymbaev, Rashıd Sársenov qarjy aýdardy.

 

Dáýlettiń oqyrmandary erledi

 

Karantın kezinde Dáýlet Tóleýtaıulynyń atqarǵan jumysyn erekshe atap ótken jón. Bloger oqyrmandarynyń kómegimen 400 otbasyǵa azyq-túlik taratty. Ramazan aıynda 100 mıllıon teńgege qaıyrymdylyq jasaldy. Maqtaaral aýdanyn sý basqan kezde de «Dáýletten» qaıyrymdylyq qory belsendik tanytyp, 24 mln 297 myń teńgeni jınaǵan bolatyn. Dáýlet myrza «Adyrna» ulttyq portalyna bergen suhbatynda oqyrmandarymen birge ottegi apparattaryn satyp alýǵa qarjy jınap jatqanyn atap ótti:

 

  • Karantın ýaqytynda muqtaj otbasylarǵa azyq-túlik tarattyq. Búginde azyq-túlik emes, qınalyp jatqan jandarǵa ottegi apparattaryn satyp alýǵa aqsha jınap jatyrmyz. Dál qazirgi ýaqytta 30 mıllıonǵa jýyq aqsha jınalyp qaldy. Onyń 15 mıllıonǵa jýyǵyna apparat alý josparda bar. Aldaǵy ýaqytta Qytaıdan 700 apparat keledi.

 

Medıına aqsap tur: dári tapshy, ottegi apparattary jetispeıdi

 

Indet údeı túsken shaqta elimizde dári tapshylyǵy paıda bolyp, emhanalarda ottegi apparttarynyń jetispeıtini anyqtaldy. Aınur Tursynbaeva «AidynNury» qaıyrymdylyq qorynyń atynan 1 mıllıon, óz atynan 1 mıllıon teńge bólip, Qazaqstanǵa jetkiliksiz dári-dermekterdi Túrkııadan jetkizýdi qolǵa aldy. Sonymen qatar, aıtysker aqyn emhanalardaǵy ottegi apparattarynyń jetispeıtinin alǵa tartyp,

otandastarymyzdy qaıyrymdylyq sharasyna shaqyrdy. Tursynbaevany Elmıra Eshnııazova, Dınara Satjan, Dáýlet Tóleýtaıuly, Qaırat Joldybaıuly, Janat Baqyt, Altynaı Jorabekova syndy qoǵam belsendileri qoldady.  Osylaısha nebári bes kúnniń úshinde 825 apparattyń aqshasy jınaldy. Búgin Túrkııa memleketinen elimizge 125 ottegi apparaty keledi. Eline janashyr adamdarǵa úndeý joldaǵan belgili dintanýshy Qaırat Joldybaıuly da áleýmettik jelide qýanyshty jańalyqpen bólisti:

 

  • Keshe Qazaqstannyń barlyq aı̆maqtarynan jastar, kásipkerler habarlasyp aýyldaryna, aýdandaryna, qalalaryna bir neshe danadan alatyndaryn aı̆typ, aqshalaryn jiberdi. Úles qosqan barsha azamattardan Alla razy bolsyn! 28 dana ottegi konentratordyń qarjysyn jınap bergen Jannat Baqyt, aı̆ryqsha úles qosqan Kámshat Bekjigitova qaryndastaryma, qujattaryn retteýge kómektesip jatqan Berik Ýálıge, úndeýimizdiń halyqqa kóbirek jetýine atsalysqan Saı̆laý Qamıev, Aı̆gúl Imanbaeva, Aı̆bolat Janǵalı, Bekjan Turys, Aı̆nýr Tursynbaeva, Ardaq Nazarov, Serik Abbas-shah, Saken Maı̆ǵazıev, Dosymjan Tańatarov, Ǵadilbek Janaı, Núrken Óteýil, Amanjol Áltaı̆, Altynbek Ábish, Qurmash Mahan, Serikzat Dúı̆senǵazy, Beı̆bit Kýshkalıev, taǵy da basqa aty atalmaǵan azamattarǵa alǵysymdy bildiremin. Mundaı̆ sharalar halyqty tek biriktiredi. Barshańyzdan Jaratqan razy bolsyn! Sonymen eki kúnde jınalǵan qarjy 35 808 895 teńge boldy. Bul aqshaǵa Alla jazsa, 210 dana ottegi konentratoryn alamyz. Búgin de jiberemiz dep azamattar habarlasyp jatyr. Zavodqa alǵashqy partııasyna keshe tapsyrys berildi. Endigi partııasyna aqshany aldymyzdaǵy seı̆senbi tańerteń jiberemiz. Odan keı̆in qarjy jınalyp jatsa, kelesi partııasyna taǵy da jiberetin bolamyz.

 

 

Bir adamnyń ómirin alyp qalý - búkil álemge ómir syılaǵanmen birdeı

 

Ottegi apparattaryn  satyp alýǵa óz qaltasynan qarjy qosqan azamattardyń biri - Aıgúl Orynbek. Zańger suhbat barysynda bıliktiń koronavırýspen durys kúrespeı jatqanyn jetkizdi:

 

  • Qazaqta "Oń qolym bergendi sol qolym bilmesin" degen keremet danalyq sóz bar. Shyny kerek, osy ýaqytqa deıin jasaǵan qaıyrymdylyqtarymdy jarııa etpeppin. Bul joly halqymyzdyń múshkil halin kórip, ashyndym. Bılikte otyrǵan jandarǵa sabaq bolǵanyn qaladym. Ózderińiz kórgendeı, bul indet meniń otbasymdy da aınalyp ótpedi. Aıaq astynan anamnyń ókpesi qabynyp, aýyryp qaldy. Ókinishke oraı, aýrýhanalar analızsiz anamdy qabyldamaıtynyn aıtty. Al ol analızder tek bir aptadan keıin ǵana daıyn bolady eken. Osylaısha anamdy aýrýhanǵa jatqyza almaı, 6 saǵat sandaldym. Kóz aldynda anańnyń aýa jetpeı sónip bara jatqanyn kórgende, sharasyz qalady ekensiń. Biz «birgemiz, barlyǵyn keremet jasap jatyrmyz, barlyǵy baqylaýda» dep jar salyp júrmiz, biraq elimizdiń medıınasynyń jaǵdaıy mynaý. Adamnyń ólip jatqanyn baqylap otyrǵan atqarýshy bılik kimge kerek? Qazir halyq qoısha qyrylyp jatyr. Osy jaǵdaıdyń barlyǵyn kóre otyra qalaı men halyqqa kómek bermeımin? Bir adamnyń ómirin alyp qalý - búkil álemge ómir syılaǵanmen birdeı. Mysaly, meniń anam - otbasymyzdyń tútinin shyǵaryp otyrǵan adam.  Osylaı bir otbasynyń asyraýshysyn, shamshyraǵyn aman alyp qalyp, tıtteı de bir kómegim tıse, men úshin odan asqan baqyt joq. Ózińniń halqyna kómektesip, meıirimdilik kórsetý ıgi istermen ólshenedi emes pe? Jaı ǵana 600 mıllıonǵa  rolık túsirip, teledıdar arqyly "Biz bergemiz" dep urandatqan paıda joq. Sózben emes, ispen dáleldeıtin ýaqyt keldi.  Men bılikten halqymyzdyń jaǵdaıyn jasap berýin ǵana suraımyn. Ata zańymyzda "Adam ómiri - birinshi qazynamyz" dep kórsetilgen. Ókinishke oraı, biz sol qazynamyzdy saqtaı almaı jatyrmyz.

 

Dárihanalardaǵy dári tapshylyǵyn eskere otyra, Arman Djýmageldıev Shymkent qalasynyń turǵyndaryna 2000 dana kerekti dári-dermekti tegin taratty. Ol óziniń Instagram paraqshasynda jaqyn kúnderi Qazaqstannyń basqa qalalaryna da tegin dári jetkizetinin habarlady.

 

Al tanymal blogerler Arman Iýsýpov pen Karına Oksýkpaeva komandasymen birge adamdarǵa dári tabýǵa kómektesetin komek2020.kz saıtyn ashty. Qazir bul saıt belsendi túrde jumys istep tur.

 

Qazaq «Jumyla kótergen júk jeńil» dep tekke aıtpasa kerek.

Bul tótenshe jaǵdaı kezinde atqarylǵan ıgi isterdiń bir bóligi ǵana.

Elimizdiń aýyzbirshiligi men tatýlyǵynyń arqasynda indetti jeńetin kúnniń alys emes ekenine senimimiz mol.

Dıana ASANOVA, «Adyrna» ulttyq portaly

Pikirler
Redakııa tańdaýy