1981 jyldyń sarsha tamyzy Robert pen Lınnet Federerlerdiń otbasyn qýanyshqa bóledi. Bul qýanyshtyń basty sebepkeri – Rodjer esimdi sábıdiń dúnıege kelýi bolatyn. Iá! Rodjer! Siz ben biz biletin álemdik tennıstiń jarqyn juldyzy – Rodjer Federrer...
Balǵyn kezeń
«Men shyn máninde 10, 14 nemese 16 jasymda asqan daryndy bolǵan joqpyn, qatardaǵy kóp balanyń biri boldym. Tek 1998 jyly jasóspirimder arasyndaǵy Ýımbldon týrnırin jeńgennen keıin ǵana, mende bir senimdilik paıda boldy», - deıdi Rodjer Federrer. Iá, rasymen de farmaevter otbasynda dúnıege kelgen sábı erekshe darynymen baıqala qoımaǵan. Mádenı oshaqtarǵa toly Bazelde eseıgen óskin ózge de jetkinshekter sekildi kórkemónerge, qımyl-qozǵalysty talap etetin badmınton, ústel tennısi, fýtbol syndy sport túrlerine qyzyqqan. Alaıda anasy Lınett Federrerdiń «Ciba Klybeck» tennıs klýbynda balalar jattyqtyrýshysy bolýy, jarqyn juldyzdyń alǵash raketkany qolyna alyp, úlken tennıspen áýestenýine áser etken.
Tentek talant
Árıne, sport jankúıerleri tennıs kortyndaǵy sypaıy, salmaqty juldyzdy jazbaı tanytyny anyq. Alaıda balań Rodjer emoıonaldyq turaqsyzdyǵymen, qyzýqandylyǵymen kózge túsip, soǵan saı jazasyn alǵan kezderi de az bolmaǵan. Tipti, sol minezi úshin birneshe márte jattyǵýdan qýylyp, dárethana da tazalaǵan. Onyń áriptesi Iv Allegro: «Birde Bıl qalasyndaǵy tennıs alańy shýyldy azaıtatyn jabýmen qorshalyp, barlyǵymyzǵa jabýdy qurtyp almaý týraly qatań eskertý jasaldy. Ondaı jaǵdaı oryn alǵan kúnde, búldirgen adam bir apta dárethana tazaılatyny da aıtyldy. Alaıda jattyǵýlardyń birinde soqqyny ótkizip alǵanyna buldanǵan Rodjer, raketkany laqtyryp qymbat jabýǵa sańylaý saldy. Tártip boıynsha bir apta darethana tazalady»,- deıdi.
Ekıýblanǵa jol
Sportshynyń tennıske áýestigi ómiriniń de basqa arnaǵa aýysyna áser etken. Týrnırlerge turaqty túrde qatysý onyń sabaǵyna kedergi keltirgenmen, aǵylshyn, franýz, nemis tilderinde erkin sóıleýine múmkindik týdyrǵan. Til úırený barysynda Rodjerge qıyn soqqany franýz tili. Ol ony Ekıýblandaǵy tennıs ortalyǵynda júrgende úırengen. Alaıda ol osy ýaqyttarda orta jáne dostar máselesinde qıynshyqtarǵa tap bolǵany jaıynda: «Shveıarııalyq nemis bolǵanym úshin bári kúletin. Maǵan soqtyǵýǵa daıyn turatyn. Men jıi jylap, úıge qaıtqym keletin», - dep eske alady. Kóptegen mamandar sportshynyń Ekıýblanǵa saparyn sátti bolǵan dep esepteıdi. Sebebi ol munda franýz tilimen qosa, sabyrly, qajyrly bolýdy úırengen.
Sıdneıdegi tanystyq
Áıgili tennıs maıtalmanynyń súıiktisi Mıroslava Vavrıne te sporttyń aýylynan alys emes. Ekeýiniń tanystyǵy 2000 jylǵy Sıdneıdegi olımpıada oıyndarynda bastalǵan. Sol jyldary ekeýi de tennısten Shveıarııa quramasynyń namysyn qorǵaǵan. Mıroslavanyń sporttaǵy ǵumyry 2002 jyly aıaǵynan alǵan jaraqatyna baılanysty qysqa boldy. Qos sportshy alǵashqy tanystyqtan keıin arada 9 jyl ótkende otbasyn quryp, sol jyly Mıla Roýz, Sharlın Rıva esimdi egiz qyzdardy 2014 jyly Leo jáne Leonarta esimdi egiz ul balalardy dúnıege ákelgen.
Atymtaı Rodjer
Qaıyrymdylyq isterimen aınalysýdy maqsat etken «Shveıarııalyq Maestro» 2003 jyly jeke qor qurǵan. Sol ýaqyttan beri atalǵan qordan Afrıkadaǵy balalardyń bilim alýyna, sportpen shuǵyldanýyna qarjy bólinip turady. Álemdik pandemııa bastalǵaly Rodjer qory Afrıkadaǵy 64 000 myń balaǵa, az qamtylǵan otbasylarǵa kómek berdi. Sonymen qatar Shveıarııadaǵy jaǵdaıy tómen otbasylarǵa 1 mıllıon frank bólgen.
Aǵyn AIDYN,
«Adyrna» ulttyq portaly.
