Şymkent qalasyndaǧy meiramhana ielerı epidemiologiialyq jaǧdai naşarlap, mūqtajdyq tusa özderınıŋ menşıgındegı ǧimarattardy provizorly, stasionarly ortalyqtarǧa ainaldyruǧa daiyn. Būl ūsynystaryn olar qala äkımı Mūrat Äitenovke jetkızdı.
Şahardaǧy bırneşe ǧiaratty aralap şyqqan Mūrat Düisenbekūly, äzırge qosymşa provizorlyq ortalyqtardy aşudyŋ qajettılıgı joq ekenın jetkızdı. Öitkenı, bügınde auruhanalar men stasionarlarda medisinalyq kömekke mūqtaj barlyq nauqastardy jatqyzu üşın jetkılıktı oryndar bar.
Alaida, ındettıŋ taraluy ösıp, nauqastar köbeigen jaiǧaida äkımdık meiramhanalardy, toihanalardy provizorly stasionar retınde paidalanatyn bolady.
«Qazırgı taŋda Şymkent qalasy äkımınıŋ tapsyrmasyna säikes, epidemiologiialyq jaǧdai kürt naşarlaǧan jaǧdaiǧa daiyndyq jūmystary jürgızılude.
Koronavirus pen pnevmoniiaǧa şaldyqqa nauqastardy emdeuge 7 milliard qarjy böludı josparlap otyrmyz. Bırınşı kezekte, ülken sūranysqa ie därı - därmektermen, ÖJJ (İVL) apparattarymen jäne kompiuterlık tomografiiamen (KT) qamtamasyz etu mäselesı şeşıletın bolady", - dedı qala äkımınıŋ bırınşı orynbasary Erbol Sadyr baiandady.Sondai-aq, sauda ortalyqtary men basqa da qaladaǧy ırı nysan ielerı tūrǧyndarǧa uaqtyly medisinalyq kömek körsetu üşın tegın kömek körsetuge daiyn ekendıgın atap öttı.
«Eger, küzde epidemiialyq jaǧdai naşarlap, ındettıŋ ekınşı tolqyny bastalatyn bolsa, bız sol jaǧdaiǧa daiyn boluymyz kerek. Sondyqtan qazır käsıpkerlerdıŋ özderı ūsynǧan qaladaǧy ırı ǧimarattardy qarastyryp jatyrmyz. Jaǧdai kürdelener bolsa, bız şūǧyl provizorlyq ortalyqtardy ūiymdastyruǧa daiynbyz. Bügıngı taŋda nauqastardy emdeuge arnalǧan qosymşa 3000 oryn daiyndadyq. Jaqyn arada käsıpkerler ūsynǧan ǧimarattardan da däl solai tösek-oryndar daiyndamaqpyz» - deidı Erbol Sadyr.
Şymkent
