Búgin Almaty oblysynyń Bas memlekettik sanıtarlyq dárigeri Qaırat Baımuhambetov qaıtys boldy.
Qaıǵyly jaǵdaıdy Almaty oblysy ákiminiń baspasóz hatshysy Ǵalymurat Júkel rastady. «Búgin Qaırat Qajymanulynan aıyrylyp qaldyq (...) Pnevmonııa», - dedi Ǵ.Júkel.
Almaty oblysynyń ákimi Amandyq Batalov marqumnyń jaqyndaryna kóńil aıtty.
«Qaırat Qajymanulynyń týǵan-týys jaqyndaryna qaıǵyryp kóńil aıtamyn. Ol Gıppokrat antyna berik bolyp, indetpen kúres kezinde kóz jumdy», - dep jazdy A. Batalov feısbýktegi paraqshasynda.
Qaırat Baımuhambetov 1964 jyly Shyǵys Qazaqstan oblysynda dúnıege kelgen.
Almaty oblysynyń Bas memlekettik sanıtarlyq dárigeri qyzmetine 2019 jyldyń 23 mamyrynan bastap kelgen.
