Shymkent qalasynda qazirgi epıdemıologııalyq jaǵdaıǵa qaramastan, jol jóndeý jumysy qarqyndy júrýde. Sondaı-aq, qurylysshylar nysandy merziminen buryn tapsyrýdy josparlap otyr. Qaladaǵy avtomobıl joldarynyń qurylysymen tanysqan BAQ ókilderi birneshe nysandaǵy jóndeý jumysynyń barysyn kórdi.
Áýeli «Aqjaıyq» shaǵynaýdynyndaǵy Syrym batyr kóshesinde bolyp, búginge deıin atqarylǵan tirliktiń kýási boldy. Atalǵan kóshede ortasha dárejedegi jóndeý jumysy júrýde. Jóndeý jumysynyń jalpy uzyndyǵy - 4,8 shaqyrym. Qazirgi tańda kólik qatynastyń kóbeıýine baılanysty joldyń eni de 1-1,5 metrge keńeıtilgen. Qurylysty «ANDAS GRÝP» merdiger kompanııasy júrgizýde.
– Joldyń qurylysy kestege saı júrgizilýde. Qazirge deıin bólingen 423 mln. teńge qarjynyń jartysyn ıgerdik. Aıaqtalý merzimi osy jyldyń tamyz aıy. Nysannyń qurylysyn óz merziminde aıaqtaýdy josparlap otyrmyz, - deıdi jol qurylysy ýchaskesiniń basshysy M.Bekbaýov.
Kelesi qurylysy qyzý júrip jatqan kóshe – Baıtursynov kóshesiniń Arǵynbekov kóshesi qıylysynan dendrosaıabaqqa deıingi bóligi. Atalǵan joldyń bóligine búginge deıin tek shaǵal tas tóselingen bolatyn. Qazir munda asfalt tóselinip, jaıaý júrginshiler joly, velojol jáne ırrıgaııa júıesi qarastyrylǵan. Joldyń uzyndyǵy - 500 metr. Qazir munda 8 tehnıka jáne 48 jumysshy nysandy merziminen buryn aıaqtaýy úshin tynymsyz eńbektenýde.
Qaladaǵy qaıta jóndeý jumysy júrip jatqan joldyń biri Jangeldın kóshesi. Búginde montajdaý jumysy aıaqtalyp, birinshi qabat asfalt tóselinip jatyr jáne jóndeý jumysy barysynda ırrıgaııa júıesi de qaıta jóndelip, joldyń jıektastary aýystyrylady. Jolaýshylar kóligi jáne avtomobıl joldary basqarmasy basshysynyń orynbasary A.Turhanovtyń sózinshe, qaladaǵy jol qurylysynyń basym bóligin osy jyldyń tamyz aıynda aıaqtalady.
– Shymkent qalasynda osy jyly 45 merdiger mekeme 414 shaqyrym joldy qaıta qurý jáne kúrdeli jóndeý jumysyn júrgizýdi bastady. Qurylys jumysyna 2300-ge jýyq jumysshy jáne 400 tehnıka jumyldyrylǵan. Qaladaǵy ishki oram kóshe qurylysynyń 80 paıyzy tamyz aıynda aıaqtalsa, negizgi ortalyq kóshelerdiń qurylysy qazan jáne qarasha aılarynda tolyǵymen paıdalanýǵa tapsyrý josparlanǵan. Sonymen qatar, qaladaǵy avtomobıl joldaryn qaıta qurý jáne orta dárejedegi jóndeý jumysyna bıýdjetten 27 mlrd. teńge qarjy bólinip, búginge deıin 9 mlrd teńge qarjy ıgerilgen. Jyl sońyna deıin barlyq qarjyny ıgerilip, jol qurylysyn aıaqtaýdy josparlap otyrmyz,- deıdi A.Turhanov.
Shymkent
