Belgili aqyn, qoǵam qaıratkeri Muhtar Shahanov ókpesi qabynyp, Almaty qalasy nómiri 7-shi emhanada qaralyp jatyr. Bul týraly aqynnyń áriptesi Qudııar Bilál óziniń áleýmettik jelidegi paraqasynda jazdy.
"2 shilde kúni túnde aqynnyń mazasy qashyp, jedel járdem shaqyryldy. 3 shildede túnde Almatyda aýrýhanaǵa jatqyzyldy. Qazir ókpeniń qabynýyna qarsy em alyp jatyr. Kóńil kúıi jaman emes. Alaıda aýrýhanadan shyqqysy kelip otyr. Dárigerler taǵy birneshe kún baqylaýda bolyp, emdelýi qajet ekenin aıtyp, ruqsat bermedi. Áli 1-2 kún aýrýhanada bolady. Koronavırýs emes ekeni anyqtaldy", - dedi Bilál.
Muhtar Shahanov 2 shilde 1942 jyly Túrkistan oblysy, Tóle bı aýdany, Qasqasý aýylynda týǵan. Qazaq halqyna óziniń shynshyldyǵymen, týrashyldyǵymen tanymal.
Aqynnyń aıyǵyp ketýine tilektestik bildiremiz.
