بەلگىلى اقىن، قوعام قايراتكەرى مۇحتار شاحانوۆ وكپەسى قابىنىپ، الماتى قالاسى ءنومىرى 7-ءشى ەمحانادا قارالىپ جاتىر. بۇل تۋرالى اقىننىڭ ارىپتەسى قۇديار ءبىلال ءوزىنىڭ الەۋمەتتىك جەلىدەگى پاراقاسىندا جازدى.
"2 شىلدە كۇنى تۇندە اقىننىڭ مازاسى قاشىپ، جەدەل جاردەم شاقىرىلدى. 3 شىلدەدە تۇندە الماتىدا اۋرۋحاناعا جاتقىزىلدى. قازىر وكپەنىڭ قابىنۋىنا قارسى ەم الىپ جاتىر. كوڭىل كۇيى جامان ەمەس. الايدا اۋرۋحانادان شىققىسى كەلىپ وتىر. دارىگەرلەر تاعى بىرنەشە كۇن باقىلاۋدا بولىپ، ەمدەلۋى قاجەت ەكەنىن ايتىپ، رۇقسات بەرمەدى. ءالى 1-2 كۇن اۋرۋحانادا بولادى. كوروناۆيرۋس ەمەس ەكەنى انىقتالدى", - دەدى ءبىلال.
مۇحتار شاحانوۆ 2 شىلدە 1942 جىلى تۇركىستان وبلىسى، تولە بي اۋدانى، قاسقاسۋ اۋىلىندا تۋعان. قازاق حالقىنا ءوزىنىڭ شىنشىلدىعىمەن، تۋراشىلدىعىمەن تانىمال.
اقىننىڭ ايىعىپ كەتۋىنە تىلەكتەستىك بىلدىرەمىز.
