Prezidenttıŋ bastamasymen jariialanǧan "Jūmysşy mamandyqtary jyly" aiasynda Jambyl politehnikalyq joǧary kolledjınıŋ tülekterıne degen sūranys aitarlyqtai ösken. Būǧan dälel, oqu orny eŋbek naryǧyndaǧy ärıptestıgın keŋeitıp, käsıporyndarmen jasalǧan memorandumdar sanyn 125-ke jetkızgen. Sonyŋ nätijesınde 2024-2025 oqu jylynda kolledjdı aiaqtaǧan 848 tülektıŋ 86 paiyzy jūmysqa ornalasuǧa mümkındık alǧan.
Sonymen qatar bügınde kolledj oqu baǧdarlamasyna biznestıŋ sūranysyna beiımdelgen, täjıribege negızdelgen bılım beru jüiesın engızude. Būl turaly oqu ornynyŋ direktory Ashat Kartakov Öŋırlık kommunikasiialar qyzmetı ūiymdastyrǧan baspasöz turynda aitty.
Bügınde kolledjde 2 600-ge juyq student 30-dan astam mamandyq boiynşa bılım aluda. Olardyŋ ışınde 1 500-ge juyǧy jūmysşy mamandyqtar boiynşa oqyp jür. Erekşe atap öterlıgı – studentterdıŋ basym bölıgı dualdy oqytu jüiesı negızınde daiyndalady. Būl jüie teoriia men praktikany tiımdı üilestıruge mümkındık beredı: oqu uaqytynyŋ 40%-y kolledjde, al 60%-y naqty öndırıs oryndarynda ötedı.
Kolledjdıŋ tehnikalyq bazasy da jyl saiyn jaŋartylyp keledı. Zamanaui zerthanalar, öndırıstık trenajerlar, interaktivtı qūrylǧylar studentterdıŋ käsıbi deŋgeiın arttyruǧa sep bolyp otyr. Robototehnika, IT jäne avtomattandyru baǧyttarynda bırqatar zamanaui qūrylǧylar jetkızıldı. Būl jastardyŋ ǧylymi-zertteu men injenerlık oilau qabıletın damytuǧa jol aşuda.
– Qazırgı taŋda kolledjdıŋ materialdyq-tehnikalyq bazasy qarqyndy türde jaŋartylyp jatyr. Tehnologiia kün saiyn damyp jatqandyqtan, bız de būl üderıske beiımdelıp, kolledjımızdı ünemı jetıldıru üstındemız. Mysaly, juyrda ǧana robototehnika seksiiasyna zamanaui qūrylǧylar jetkızılıp, studentterdıŋ täjıribelık qabıletın damytuǧa jaǧdai jasaldy. Sonymen qatar, bız ırı käsıporyndarmen – «Qazfosfat», NDPZ sekıldı alpauyttarmen memorandum jasap, studentterımızdı öndırıstık praktikaǧa baǧyttadyq, – dedı kolledj direktory Ashat Kartakov.
Sondai-aq, kolledj studentterı osyndai zamanaui tehnikalyq bazanyŋ arqasynda türlı jarystarǧa qatysyp, jetıstıkke jetude. Mäselen, WorldSkills chempionatynyŋ aimaqtyq kezeŋınde on toǧyz qūzyrettılık boiynşa jarys ötken. Sonyŋ ışınde Jambyl politehnikalyq joǧary kolledjınıŋ on bır studentı altyn jüldege ie bolǧan. Olardyŋ toǧyzy endı respublikalyq kezeŋde oblys namysyn qorǧamaq.
Aita ketu kerek, Jambyl politehnikalyq joǧary kolledjı «Jas maman» jobasyna qatysyp, elımız boiynşa ırıktelgen 180 üzdık kolledjdıŋ qataryna engen. Būl märtebe oqu ornynyŋ tehnikalyq mümkındıkterı men bılım beru sapasynyŋ joǧary deŋgeide ekenın däleldeidı.
Kolledj tek respublikalyq qana emes, halyqaralyq serıktestık baǧytynda da belsendı jūmys jürgızıp keledı. Juyrda oqu orny Qytaidyŋ Sian qalasyndaǧy himiialyq kolledjımen memorandumǧa qol qoidy. Būl kelısımnıŋ negızınde qos diplomdy bılım beru jüiesı ıske aspaq. Josparǧa säikes, student üş jyl boiy Jambyl politehnikalyq joǧary kolledjınde oqyp, soŋǧy oqu jylyn Qytaida jalǧastyrady.
– Būl pilottyq joba studentter üşın tegın jüzege asady. Qytaidaǧy oqu şyǧyndaryn serıktes tarap tolyq qarjylandyrady, al Qazaqstandaǧy oqudy bız öz esebımızden qamtamasyz etemız. Qazırgı taŋda Qytai investorlary Jambyl oblysyna belsendı kelıp jatqanyn eskersek, būl baǧdarlama tülekterımızge mol mümkındık beredı, – deidı kolledj direktory.
Qorytyndylai kele, Jambyl politehnikalyq joǧary kolledjı — zamanaui bılım beru, käsıbi täjıribe men halyqaralyq serıktestıktı üilestıre otyryp, eŋbek naryǧyna qajettı bılıktı mamandar daiarlaityn jetekşı oqu orny. Eldegı jūmysşy kadrlarǧa degen sūranys artyp otyrǧan kezeŋde mūndai kolledjderdıŋ rölı būrynǧydan da maŋyzdy.
