El.Elbasy.Elorda

2478
Adyrna.kz Telegram

Elimiz aman bolsyn dep bastaıyq sózimizdi. El ishinde Siz ben Biz, el tizginin ustaǵan azamattar aman bolsyn.

Osydan úsh jyl buryn nemis jerine jolym tústi. Berlınnen Drezden qalasyna asyqqan júrdek poezda kele jatyrmyn. Bir ózim. Biraq qazaqpyn.Janymdaǵylar ana tilinde, men sııaqty shetten kelgender aǵylshyn tilinde sóılesip keledi. Til bilmegen soń ormandy alqapty kózben uzatyp otyrmyn.Bir kezde janymda otyrǵan reńi vetnamdyqtarǵa keletin egde áıel men jas jigit "qaı eldensiń"degendi óz tilinde sóılep, qımylymen ańǵartty. QAZAQSTANNAN dedim, qazaqshalap."Kazakstan,Nazarbaev, Nazarbaev" dep rızashylyq bildiretin izetterin kórsetip, ezýlerine kúlki júgirip qaýqyldasty da ketti. Qoldarymen taýlardyń, adamdardyń sulbasyn salyp, basbarmaqtaryn shoshaıtyp máz bolǵany.Aıdalada jalǵyzsyrap kele jatqanda mynadaı tanys sózderdi estigende meniń de júregim jarylyp kete jazdady. Álem "meniń Qazaqstanymdy, meniń elbasymdy tanıdy eken ǵoı" degen oıdan júregimdi maqtanysh sezimi kerneı jóneldi. Shetelge barǵanda Qazaqstannyń týynyń beınesi basylǵan kıimin kıip, jalaýshasyn ala júrý kerek eken ǵoı degen oı keldi. Qazir sol jalaýshany syılasam ǵoı máz bolar edi. Drezdenge osylaı qazaq bolǵanyma maqtanyp ǵajap kóńil kúımen jettim.

Bizde memlekettik baǵdarlama barshylyq qoı. Jumys barysynda solardyń ishinde áleýmettik baǵdarlamalardy qaıta-qaıta oqyp turamyn.Kópshilikpen kezdesýge barǵanda, bolmasa jýrnalıssiń ǵoı dep bireý surap qalsa "aýzymdy qur shóppen súrtip" turmaıyn dep. Al, Elbasynyń "Rýhanı jańǵyrý" men "Uly Dalanyń Jeti Qyry" baǵdarlamalyq maqalalaryn kúnde oqımyn. Syzyp-syzyp oqyp otyryp qazaq bolǵanyma maqtanyp alamyn, senbeseńiz Siz de oqyńyz. Jerińizdiń tunǵan tarıh, elińizdiń órkenıettiń aldynda júrgenin kóńilge túıip ǵajap bir kúı keshesiz. Eger osy baǵdarlamalyq maqalalarda aıtylǵan tapsyrmalar oryndalsa biz qazaqy RÝHTY tegeýrindi Memleketke aınalamyz.Ol úshin maqalalarda aıtylǵandy ár azamat ómir súrý saltyna aınaldyrý kerek, sonda ár azamattyń sanasynda silkinis bolady. Jalpy memlekettik baǵdarlamalar halyqqa arnalǵan. Al, halyq ózine arnalǵandy bilý kerek. Sóz sońynda búgingideı El men Elbasy týraly kóp aıtylatyn kúndi paıdalanyp, eldi Elbasynyń baǵdarlamalyq maqalalaryn qaıta oqyp shyǵýǵa shaqyrar edim.
Al, Elbasynyń bastaýymen salynǵan Elorda Qazaqstan memleketiniń QARAShAŃYRAǴY. Qarashańyraq QAZAQTYŃ QASIETTISI.

Elbasynyń mereıli jasy men Elorda kúni sanaǵa silkinis ákelgen, qutty qadam bolsyn, elimizge.

Jaqsylyqty,QÝANYShTY kóbeıte bereıik.

 

Beısenkúl Narymbetova,

"Serpilis" qoǵamdyq qorynyń tóraıymy, "Qyzmet" gazetiniń Bas redaktory

Pikirler