Juqpaly aýrýlar ortalyǵynyń jumysymen tanysý barysynda Murat Dúısenbekulyna qalalyq densaýlyq saqtaý basqarmasy basshysynyń ýaqytsha mindetin atqarýshy Rýstam Albaev gospıtaldegi qazirgi jaǵdaıdy baıandady.
Aıtýynsha búginde ınfekııalyq gospıtalde 77 palata jáne 2 reanımaııalyq zal bar. Ottegi jetkilikti. Munda covid 19 jáne penevmonııaǵa shaldyǵyp, densaýlyǵy aýyr jaǵdaıdaǵy naýqastar túsýde eken.
«Gospıtaldiń jansaqtaý bólimine túsip, keıin densaýlyǵy ońalyp turaqtalǵan, alaıda birneshe kún taǵy dáriger baqylaýynda bolýy kerek naýqastardy provızorlyq ortalyqtarǵa aýystyryp, aýyr jaǵdaıdaǵy naýqastarǵa oryn daıyndaý jaǵyn qarap, sheshińder. Jedel járdem qyzmetkerleri ary-beri sandalmaýy kerek», - degen tapsyrmasyn berdi qala ákimi.
Munan keıin Murat Áıtenov Qazyǵurt shaǵyn aýdanyndaǵy №86 mektepte daıyndalyp jatqan kúndizgi staıonarǵa bardy. Ǵımaratta júzden astam naýqasty qabyldaýǵa múmkindik bar. Taǵy oryn qajettiligi týyndasa, nysannyń ekinshi qabatyn da qoldanýǵa bolady. Bul kúndizgi staıonarǵa dári jetkizý máselesi de sheshilgen. Dál osyndaı staıonarlar Sáýle, Aqjar shaǵyn aýdandarynda da daıyndalýda eken.
Sonymen qatar, ákim pnevmonııaǵa shaldyqqandardy qabyldap jatqan provızorlyq ortalyqqa bardy. 100 oryndyq Ardagerler úıinde qazir 25 naýqas em qabyldaýda. Bul jóninde №2 emhanasy Bas dárigeriniń orynbasary E.Ermekbaeva aıtty.
«Jedel járdemmen jetkizilgen naýqastarǵa alǵashqy medıınalyq kómek kórsetilýde. Eger de aýrýhanaǵa jatqyzylý kerek jaǵdaı bolsa, bos oryndar bar. Eki aýysymda 20 dáriger jumys jasaýda. Naýqastardyń jaǵdaıy turaqty» - deıdi ol.
Sondaı-aq, jeńil atletıka manejinde kúndizgi staıonar retinde bes júzge jýyq tósek-oryn daıyndalýda. Qala ákimi sport kesheninde bolyp, ondaǵy jumysty úılestirý jáne qajetti jabdyqtarmen qamtý máselesi boıynsha naqty tapsyrmalar berdi.
«Munda kelýshi naýqastar esh qıyndyqsyz emdelýi kerek jáne halyqty kúttirmeńder. Basty maqsat - árbir adamnyń em alýy qoljetimdi bolýy tıis» - dedi Murat Dúısenbekuly.
Munan ózge qala basshysy aýyr jaǵdaıdaǵy naýqastar ǵana emes, jeńil formadaǵy aýrýlar úshin de barlyq jaǵdaıdyń daıyn bolýy úshin naqty tapsyrmalar berdi.
Sonymen qatar, kásipkerlik nysandardaǵy karantındik talaptardyń saqtalýyn ózi kórip qaıtty.
Shymkent
