Koronavırýs: Biz birinshi tolqynnyń shyrqaý shegine jettik

7921
Adyrna.kz Telegram

Eýropa elderi koronavırýstyń ekinshi tolqynyna daıyndyqty bastap ketti. Olar kúz aıyndaǵy ekinshi tolqyn óte qatty bolady dep qorqýda. Oǵan sebep te joq emes.

Birinshiden, vırýsty juqtyryp, jazylyp shyqqandardyń ókpesi áli qalpyna kele qoımaıdy. Al olardyń sany mıllıonnan asady.

Ekinshiden, adamdardyń kúz aıynda ımmýnıteti nasharlaıtyn sáti. Sondyqtan vırýs adam aǵzasyna basakóktep kirmek.

Endi Eýropalyq qaýymdastyqtyń arnaıy jospary boıynsha barlyq dárigerler vırýspen kúresýge daıyndyqty bastap ketti. Olar dárigerdiń qandaı sanatta jáne salada ekenine qaramastan, bárin jumyldyrýda. Vırýs oshaǵyna jyldam barý, adamdarǵa jedel kómek kórsetýdi úırenýde. Al tártip saqshylary qalany jyldam buǵattaýdy pysyqtaýda. Halyqqa pandemııa sátinde oqshaýlanýdyń mańyzdylyǵy jaıly aqparat kúni-túni aıtylyp jatyr. Marketter azyq-túlikterdi arttyryp, qoımalaryn toltyrýda. Eýropanyń maqsaty ekinshi tolqyndy tez ári az shyǵynmen jeńip shyǵý. Olar birinshi tolqynnan sabaq alyp, qatelikterdi qaıtalamaýǵa tyrysatynyn málimdedi. Birinshi tolqyn Eýropalyqtardy zar eńiretip ketti. Estiler odan sabaq alary anyq.

Bizde ekinshi tolqyn qalaı bolar eken?! Qazirdiń ózinde jaǵdaı qıyn. Meniń oıymsha biz qazir birinshi tolqynnyń shyrqaý shegine jettik. Kúnine myńǵa jýyq adam juqtyryp jatyr. Al halyq arasynda áli vırýsqa senbeıtinder jeterlik. Bul endi sumdyq. Ne isteý kerek?

Ashat Qasenǵalı

Pikirler