Nur-Sultan qalalyq densaýlyq saqtaý basqarmasynyń bas ınfekıonıst mamany Sáýle Atyǵaeva qalalyq juqpaly aýrýlar aýrýhanasynyń jansaqtaý bóliminde qazir ne bolyp jatqanyn aıtty, dep habarlaıdy, «Adyrna» ulttyq portaly zakon.kz,-ke silteme jasap.
- Eger 28 qańtardan bastap eseptesek, onda biz bes aı boıyna úıge barmaı, qaltqysyz jumys istep jatyrmyz. Bizdiń aýrýhana elimizde tótenshe jaǵdaı jarııalanǵan alǵashqy kúnnen bastap bos bolǵan emes. Al sońǵy aptada kóp naýqas desem, jáı aıtqanym bolar, biz aýyr haldegi naýqastardy kóp qabyldap jatyrmyz. Qazir bul aýrýhanada jatqan barlyq naýqastyń 95% -y - pnevmonııa, tynys alý jetkiliksizdigi jáne ottegini qajet etetin naýqastar. Bizdiń jan saqtaý bólimi naýqastarǵa tolyp ketti, - dedi dáriger.
Bas ınfekıonıst-maman Qazaqstan halqyn saq bolýǵa, óz densaýlyǵyn ǵana emes, sonymen birge jaqyndarynyń densaýlyǵyn da oılaýǵa shaqyrady. Ol kún saıyn tunshyǵyp, qınalǵan adamdardy kórip, jany aýyrady, onyń aıtýynsha, munyń bári karantındik sharalardy saqtamaǵan.
- Men 28 jyl boıyna jumys istep kelemin, biraq ómirimde mundaı sumdyqty kórmeppin. Kóz aldynda aýa jetpeı adamdar kóz jumyp jatyr, birinen keıin biri. Al bul adamdardyń karantın týraly esh oılanbaı, kóshege shyǵyp, qonaqqa baryp, aýrýdy bir-birine juqtyrǵandyǵynan bolyp jatyr. Bul - óte qıyn jaǵdaı. "Italııadaǵy senarıı me" dep syrttaı aıyptap, keketip, buǵan senbeı jatqandar bar kórinedi. Biraq, mine kóz aldymyzda topyrlap jatyr, qalaı buǵan senbeısiz, biz qatty sharshap kettik, aqyry júıkeni tynyshtandyratyn dárini qabyldaýǵa kóshtik. Endi ne isteımiz, basqa amal joq, tórt aı boıǵy qatań rejımdegi bizdiń jumys - naǵyz tozaq ispetti. Bul - shynymen de óte qorqynyshty, - dedi Sáýle Atyǵaeva.
