نۇر-سۇلتان قالالىق دەنساۋلىق ساقتاۋ باسقارماسىنىڭ باس ينفەكتسيونيست مامانى ساۋلە اتىعاەۆا قالالىق جۇقپالى اۋرۋلار اۋرۋحاناسىنىڭ جانساقتاۋ بولىمىندە قازىر نە بولىپ جاتقانىن ايتتى, دەپ حابارلايدى، «ادىرنا» ۇلتتىق پورتالى zakon.kz,-كە سىلتەمە جاساپ.
- ەگەر 28 قاڭتاردان باستاپ ەسەپتەسەك، وندا ءبىز بەس اي بويىنا ۇيگە بارماي، قالتقىسىز جۇمىس ىستەپ جاتىرمىز. ءبىزدىڭ اۋرۋحانا ەلىمىزدە توتەنشە جاعداي جاريالانعان العاشقى كۇننەن باستاپ بوس بولعان ەمەس. ال سوڭعى اپتادا كوپ ناۋقاس دەسەم، ءجاي ايتقانىم بولار، ءبىز اۋىر حالدەگى ناۋقاستاردى كوپ قابىلداپ جاتىرمىز. قازىر بۇل اۋرۋحانادا جاتقان بارلىق ناۋقاستىڭ 95% -ى - پنەۆمونيا، تىنىس الۋ جەتكىلىكسىزدىگى جانە وتتەگىنى قاجەت ەتەتىن ناۋقاستار. ءبىزدىڭ جان ساقتاۋ ءبولىمى ناۋقاستارعا تولىپ كەتتى، - دەدى دارىگەر.
باس ينفەكتسيونيست-مامان قازاقستان حالقىن ساق بولۋعا، ءوز دەنساۋلىعىن عانا ەمەس، سونىمەن بىرگە جاقىندارىنىڭ دەنساۋلىعىن دا ويلاۋعا شاقىرادى. ول كۇن سايىن تۇنشىعىپ، قينالعان ادامداردى كورىپ، جانى اۋىرادى، ونىڭ ايتۋىنشا، مۇنىڭ ءبارى كارانتيندىك شارالاردى ساقتاماعان.
- مەن 28 جىل بويىنا جۇمىس ىستەپ كەلەمىن، بىراق ومىرىمدە مۇنداي سۇمدىقتى كورمەپپىن. كوز الدىندا اۋا جەتپەي ادامدار كوز جۇمىپ جاتىر، بىرىنەن كەيىن ءبىرى. ال بۇل ادامداردىڭ كارانتين تۋرالى ەش ويلانباي، كوشەگە شىعىپ، قوناققا بارىپ، اۋرۋدى ءبىر-بىرىنە جۇقتىرعاندىعىنان بولىپ جاتىر. بۇل - وتە قيىن جاعداي. "يتالياداعى ستسەناري مە" دەپ سىرتتاي ايىپتاپ، كەكەتىپ، بۇعان سەنبەي جاتقاندار بار كورىنەدى. بىراق، مىنە كوز الدىمىزدا توپىرلاپ جاتىر، قالاي بۇعان سەنبەيسىز، ءبىز قاتتى شارشاپ كەتتىك، اقىرى جۇيكەنى تىنىشتاندىراتىن ءدارىنى قابىلداۋعا كوشتىك. ەندى نە ىستەيمىز، باسقا امال جوق، ءتورت اي بويعى قاتاڭ رەجيمدەگى ءبىزدىڭ جۇمىس - ناعىز توزاق ىسپەتتى. بۇل - شىنىمەن دە وتە قورقىنىشتى، - دەدى ساۋلە اتىعاەۆا.
