Bul týraly densaýlyq saqtaý mınıstri Eljan Birtanov Facebook paraqshasynda jazdy.
"Qurmetti dostar! Sizderge tek mınıstr retinde ǵana emes, koronavırýs epıdemııasyna baılanysty búgingi jaǵdaıdy ýaıymdaıtyn adam retinde jazyp otyrmyn. Árqaısymyzdyń jeke jaýapkershiligimiz bolýy kerek ýaqyt keldi. "Jeke karantın" erejelerin sanaly túrde úırenetin ýaqyt keldi", - dep jazdy mınıstr.
Birtanov juqtyrýdyń aldyn alý úshin qarapaıym sharalardy atap ótti:
- Múmkindiginshe jumysta, kólikte, kóshede, dúkende jáne t.b. jerde bir-birimizden qashyqtyqty saqtaýymyz kerek. Eger siz ofıste jumys isteıtin qyzmetker bolsańyz, onda qashyqtan jumys isteńiz. Týystar jáne dostarmen beınebaılanys arqyly sóılesińiz;
- Qoǵamdyq oryndarda maska taǵyńyz;
- Qoldy sabynmen keminde 20 sekýnd boıy jýyńyz, qoldy sanıtaızermen tazalańyz;
- Otbasy músheleriniń dene temperatýrasyn ólshep turyńyz;
Jaqynda Garvard qoǵamdyq densaýlyq mektebindegi professordyń maqalasy jarııalandy. SARS-CoV-2 koronavırýsynyń esebi kórsetilgen. Onda maýsymdyq derekter, ımmýnıtetke jáne beta-koronavırýstyń ımmýnıtetine qııýlasýy qarastyrylǵan.
"... SARS-CoV-2 kúz-qyz maýsymynda qaıta jappaı taraýy múmkin degen boljam bar jáne jańa tolqyny bolmaýy úshin 2022 jylǵa deıin birqalypty áleýmettik qashyqtyqty saqtaý kerek. Bul ýaqytqa deıin jappaı ımmýnıtet qalyptasýy múmkin nemese vakına daıyn bolyp qalar. Qazir SARS- CoV-2-ge ımmýnıtet qashan qalyptasady jáne qandaı dárejede bolatyny ázirge belgisiz. Basylymnyń derekterine súıensek, túrli boljam bar. Qysqa merzimdi ımmýnıtet (40 apta) qalyptassa, onda jyl saıyn jappaı taralý bolady. Eger uzaq merzimdi ımmýnıtet (104 apta) qalyptassa, jylyna eki ret jappaı taralý bolady ", - dep jazdy mınıstr.
Aıaýlym ÁBILDA, "Adyrna" ulttyq portaly.
