Respublika künı qarsaŋynda Şymkent qalasynda tūŋǧyş ret el tarihy men zamanaui önerdı toǧystyrǧan «Bügıngı Qazaqstan» atty auqymdy multiformatty muzykalyq-teatrlandyrylǧan qoiylym sahnalandy.
«Şymkent konsert» konserttık ūiymy ūsynǧan būl tuyndy Täuelsızdık jyldarymen taǧdyrlas bır äulettıŋ ömır jolyn arqau etıp, körermenge erekşe ruhani äser syilady. 
Qoiylymnyŋ basty ideiasy – Qazaqstannyŋ Täuelsızdık alǧan jyldardan bergı 35 jyldyq damu jolyn sahnalyq öner arqyly beineleu. Miuzikldıŋ bas keiıpkerı Ädıl 1991 jyldyŋ 16 jeltoqsanynda – el täuelsızdıgı jariialanǧan künı düniege keledı. Onyŋ eseiu kezeŋderı jas memlekettıŋ qalyptasuymen, ırgelı özgerısterımen qatar örbidı.
Qoiylym jelısınde ūlttyq valiuta – teŋgenıŋ ainalymǧa enuı, memlekettık rämızderdıŋ bekıtıluı, Astananyŋ boi köteruı, 2020 jylǧy pandemiia kezındegı därıgerlerdıŋ qaisar erlıgı jäne keiıngı jyldary qolǧa alynǧan «Taza Qazaqstan» jalpyūlttyq ekologiialyq bastamasy siiaqty tarihi belester şynaiy ärı äserlı beinelengen.
– Būl auqymdy jobany daiyndauǧa bır aiǧa juyq uaqyt kettı. Qoiylymnyŋ auqymy öte keŋ, sebebı mūnda tek teatr önerı emes, zamanaui muzyka, horeografiia jäne auqymdy LED-tehnologiialar bır arnaǧa toǧysty. Ärbır körermen osy sahnadan öz ömırınıŋ bır bölşegın, eldıŋ damu jolyn köre alsyn dep bar küşımızdı saldyq, - dedı qoiylym rejisserı Medet Aǧabylov
«Bügıngı Qazaqstan» – būl teatr, miuzikl, horeografiia, LED-tehnologiialar jäne zamanaui rejissura toǧysqan sintezdı öner tuyndysy. Sahnada 140-qa juyq önerpaz – akterler, bişıler men vokalister öner körsettı.
Jobanyŋ basty erekşelıkterınıŋ bırı barlyq muzykalyq tuyndylar men änderdıŋ jandy dauysta oryndaluynda. Änşıler men vokalistterdıŋ oryndauyn «Qazaq groove project» vokaldy-aspaptyq ansamblı süiemeldep, sahnadaǧy äserdı arttyra tüstı.
– Mūndai formattaǧy jobada tūŋǧyş ret jūmys ısteudemız. Būl qoiylymǧa arnaiy muzykalar jazyldy, arnaiy aranjirovkalar jasaldy. Muzykalyq süiemeldeu men änşılerdıŋ dauysy bırtūtas üilesım tauyp, körermenge erekşe äser syilady dep oilaimyn, -dedı «Qazaq groove project» vokaldy-aspaptyq ansamblınıŋ körkemdık jetekşısı Jandos Appazov.
Sonymen qatar, qoiylymnyŋ ärbır bölımı üşın arnaiy daiyndalǧan LED-kontent sahnalyq dekorasiiamen şeber üilestırılıp, ötken men bügınnıŋ arasyn erekşe surettei bıldı. Bişıler tobynyŋ üilesımdı plastikasy men sahnalyq qimyldary qoiylymnyŋ dinamikasyn aşa tüstı.
Miuzikl tek ötkenge şolu jasap qana qoimai, adal eŋbek, ūrpaqtar sabaqtastyǧy, otansüigıştık pen ädılettı qoǧam qūru ideialaryn därıpteidı. Oquyn Astanada aiaqtap, tuǧan qalasyna oralǧan keiıpkerdıŋ taŋdauy arqyly ärbır azamattyŋ el damuyna qosatyn ülesı maŋyzdy ekenın körsete bıldı.
Keş soŋynda barlyq önerpazdar men körermender bırge şyrqaǧan patriottyq tuyndylar zaldaǧy halyqtyŋ asqaq ruhy men merekelık atmosferasyn aişyqtai tüstı. Respublika künıne arnalǧan būl şara Şymkenttıŋ mädeni ömırın taǧy bır beleske biıktettı.
