"Ryjıı Almazdyń" baýyrynyń qyzmetine aǵasynyń qatysy joq!

5452
Adyrna.kz Telegram
Jaqynda "Almatyda atyshýly Ryjıı Almazdyń baýyry sottaldy" degen taqyryppen maqalalar aqparattyq saıttarda kezek-kezek jarııalandy. Onda Transtelekomnyń burynǵy basshysy Asqar Násenovke tórt jyldyq úkim shyǵarylǵany jazylǵan.
Asqar Násenovti Nesipbaıdyń baýyry dep jazý arqyly múddeli top aldymen "Ryjıı Almazdyń" atyn maldanýdy, ekinshiden týystyq qatynas arqyly bılikke, basshylyqqa tanystyqpen jolmen jetti degendi kózdep otyr. Bul túbirimen qate oı, teris túsinik.
Asqar men Nesipbaıdyń ákesi bir bolǵanymen, shesheleri bólek. "Ryjıı Almazdyń" atyshýly kezeńinde basqa inileri óte jas boldy. Ekonomıst ári tarıhshy ákesi B. Násenovtiń esteliginde Nesipbaıdyń baýyrlaryna kesirin tıgizbeý maqsatynda olarmen jaqyn aralaspaǵany jetkilikti dáleldengen.
Eń soraqysy, A. Násenovtiń qyzmetin 22 jyl buryn (1998 jylǵy 31 mamyr) kisi qolynan opat bolyp ketken Nesipbaı marqumnyń esimimen baılanystyra jazý esh aqylǵa syımaıdy.
Aıyptalyp otyrǵan A. Násenov - joǵary bilim alǵan, sol bilimimen birtalaı belesti baǵyndyrǵan sanaýly mamannyń biri. Onyń bir basyna jeterlik qarym-qabiletimen "Ryjıı Almazdyń" ataǵyn, aqshasyn paıdalanyp, qyzmetke kóterilýi múmkin emes.
Asqardyń ákesi Bolatbek Násenuly elimizdiń salyq, ekonomıka, kirister mınıstrliginde uzaq jyldar qyzmet sińirgen. Ol kisi balalarynyń joǵary bilim alýy, adal, paıdaly qyzmet etýi úshin jaqsy tárbıe berip ósirgen.
Ulynyń jazyqsyz sottalyp otyrǵanyna, jalǵan prokýrorlar men alaıaq sottardyń kesirinen túrmege naqaq qamalǵanyna, ony júzege asyrýshy bir toptyń baryna senimdi.
Aqparattyq saıttardyń jerden jeti qoıan tapqandaı jarysa jarııalaýy olardyń aqparattyń aq-qarasyn ajyratpaı, tek birjaqty ketip, aıyptaýshy taraptyń múddesine qyzmet etip otyrǵanyn aıǵaqtaıdy.
Zańǵar Kárimhan
Pikirler