Kez kelgen adam óziniń smartfony, noýtbýgy nemese plansheti arqyly ózi tirkelgen emhananyń dárigerinen tegin keńes ala alady. Densaýlyq saqtaý vıe-mınıstri Oljas Ábishev barlyq emhanada onlaın qabyldaý qyzmetiniń iske qosylatynyn málimdedi, dep habarlaıdy Sputnik Qazaqstan tilshisi.
"Bul jobanyń paıdasy mynada, emhanaǵa barýdyń qajeti bolmaıdy. Kez kelgen adam óziniń smartfony, noýtbýgy nemese plansheti arqyly ózi tirkelgen emhananyń dárigerinen tegin keńes ala alady", - dedi Ábishev búgingi onlaın brıfıngte.
Vıe-mınstrdiń aıtýynsha, jańa qyzmet "telekonsýltaııa" formatynda bolady. Biraq Skype, Zoom nemese WebEx sııaqty sheteldik baǵdarlamalar qoldanylmaıdy. Osy ispetti baǵdarlamany otandyq mamandar jasap shyqty. Sonyń negizinde qazaqstandyqtar emhana dárigerinen onlaın rejımde keńes alatyn bolady.
"Qazirgi kezde barlyǵymyz emhanada tirkelgenbiz. Árbir adam óziniń dárigerin biledi. Dáriger de onyń nemen aýyratynyn biledi. Sebebi medıınalyq aqparattyq júıelerde barlyq aqparat bar. Olaı bolsa, emhanaǵa barýdyń ne qajeti bar? Adam onlaın túrde baılanysqa shyǵyp, óz shaǵymyn aıta alady ǵoı", - dep atap kórsetti Ábishev.
Qazirgi kezde jańa joba tehnıkalyq tekseristen ótip jatyr. Ony aldymen Shymkent, Nur-Sultan jáne Almaty qalalarynda synaqtan ótkizedi.
"Bir aptadaı teksergennen keıin barlyq aımaqqa taratamyz degen jospar bar", - deıdi Ábishev.
