كەز كەلگەن ادام ءوزىنىڭ سمارتفونى، نوۋتبۋگى نەمەسە پلانشەتى ارقىلى ءوزى تىركەلگەن ەمحانانىڭ دارىگەرىنەن تەگىن كەڭەس الا الادى. دەنساۋلىق ساقتاۋ ۆيتسە-ءمينيسترى ولجاس ابىشەۆ بارلىق ەمحانادا ونلاين قابىلداۋ قىزمەتىنىڭ ىسكە قوسىلاتىنىن مالىمدەدى، دەپ حابارلايدى Sputnik قازاقستان تىلشىسى.
"بۇل جوبانىڭ پايداسى مىنادا، ەمحاناعا بارۋدىڭ قاجەتى بولمايدى. كەز كەلگەن ادام ءوزىنىڭ سمارتفونى، نوۋتبۋگى نەمەسە پلانشەتى ارقىلى ءوزى تىركەلگەن ەمحانانىڭ دارىگەرىنەن تەگىن كەڭەس الا الادى", - دەدى ابىشەۆ بۇگىنگى ونلاين بريفينگتە.
ۆيتسە-ءمينستردىڭ ايتۋىنشا، جاڭا قىزمەت "تەلەكونسۋلتاتسيا" فورماتىندا بولادى. بىراق Skype, Zoom نەمەسە WebEx سياقتى شەتەلدىك باعدارلامالار قولدانىلمايدى. وسى ىسپەتتى باعدارلامانى وتاندىق ماماندار جاساپ شىقتى. سونىڭ نەگىزىندە قازاقستاندىقتار ەمحانا دارىگەرىنەن ونلاين رەجيمدە كەڭەس الاتىن بولادى.
"قازىرگى كەزدە بارلىعىمىز ەمحانادا تىركەلگەنبىز. ءاربىر ادام ءوزىنىڭ دارىگەرىن بىلەدى. دارىگەر دە ونىڭ نەمەن اۋىراتىنىن بىلەدى. سەبەبى مەديتسينالىق اقپاراتتىق جۇيەلەردە بارلىق اقپارات بار. ولاي بولسا، ەمحاناعا بارۋدىڭ نە قاجەتى بار؟ ادام ونلاين تۇردە بايلانىسقا شىعىپ، ءوز شاعىمىن ايتا الادى عوي", - دەپ اتاپ كورسەتتى ابىشەۆ.
قازىرگى كەزدە جاڭا جوبا تەحنيكالىق تەكسەرىستەن ءوتىپ جاتىر. ونى الدىمەن شىمكەنت، نۇر-سۇلتان جانە الماتى قالالارىندا سىناقتان وتكىزەدى.
ء"بىر اپتاداي تەكسەرگەننەن كەيىن بارلىق ايماققا تاراتامىز دەگەن جوسپار بار", - دەيدى ابىشەۆ.
