Almaty oblysyndaǵy Aqsý qant zaýytynda jańa maýsymǵa daıyndyq júrip jatyr

895

Almaty oblysyndaǵy Aqsý qant zaýytynda jańa maýsymǵa daıyndyq júrip jatyr. Bul jumystardyń barysyn Almaty oblysy ákiminiń orynbasary Serikjan Beskempirov kórip qaıtty.

Zaýyttaǵy qalpyna keltirý jumystary 18 mamyrdan bastaldy. Qazirgi kezde ehtar tazalanyp, tozǵan bólshekter jańasyna aýystyrylýda. Buǵan deıin «Jetisý» ÁKK» ÓDI» AQ arqyly jalpy sany 288 birlik aýyl sharýashylyǵy tehnıkalary men qural-jabdyqtar satyp alynyp, «Aqsý Qant» JShS-ǵa lızıngige berilgen bolatyn. Seriktestikke kadr tartý maqsatynda «Aqsý Qant» JShS men jergilikti polıtehnıkalyq kolledj arasynda 50 qajetti arnaıy maman daıyndaý týraly kelisimshart jasalǵan.

S.Beskempirovtiń aıtýynsha, qazir kásiporynda 120 adam jumys isteıdi, jazǵy maýsymda taǵy 100 adam eńbekke tartylady, al iske qosylǵanda zaýytta 600-deı adam jumys isteıtin bolady: «Kórip turǵanymyzdaı, jalpy jóndeý jumystary jospar boıynsha júrip jatyr. Bıylǵy jyly «Jetisý» ÁKK-niń qoldaýymen zaýyt shamamen 20 qyrkúıekte iske qosylady», - dedi oblys ákiminiń orynbasary.

Óz kezeginde kásiporyn dırektory Samat Nadırbaevtyń aıtýynsha, bıylǵy jyly qant qyzylshasynyń syǵyndysyn keptirýge arnalǵan syǵyndy keptirgish jáne jomdy untaqtaǵysh jeli ornatylyp, iske qosýǵa daıyn tur. Kásiporyn irgesin odan ári keńeıtý ashytqy zaýyty men  qurama jem shyǵaratyn zaýyt salý arqyly júzege asyrylmaq: «Zaýyttaǵy proesterdi avtomattandyrý men óndiristiń shıkizattyq júıesin júzege asyrý jumystaryn júrgizýge múmkindik bar, bul zaýyttyń jyl boıy úzdiksiz jumys isteýine, aýdan turǵyndaryn jumyspen qamtýǵa oń yqpalyn tıgizedi», - dedi S.Nadırbaev.

Atap ótsek, bıylǵy jyly Aqsý aýdanynda 3 167 gat jerge qant qyzylshasy sebilgen, onyń  300 gektary qant zaýytyna tıesili. Jalpy oblys boıynsha tátti túbir 6 100 ga jerge sebildi.

Jalpy Aqsý qant zaýyty 2017 jyldyń qyrkúıek aıynda iske qosylǵan. Óndiristik qýattylyǵy 300 myń tonna qant qyzylshasyn óńdeýge jetedi, ıaǵnı bir maýsymda 35 myń tonnaǵa deıin qant shyǵara alady. Kásiporyn óńirdegi óńdeýshi «qanatqaqty» óndiris orny. Zaýytqa shıkizat qant qyzylshasy baǵatyndaǵy 17 servıstik daıyndaý ortalyǵynan jáne oblystaǵy qyzylsha ósirýshi 200-den astam sharýashylyqtan jetkiziledi.

Almaty oblysy

Pikirler
Redakııa tańdaýy