Keshe lentadan bir muǵalimniń kommentke jazǵan pikirin jazǵanyn oqyp qaldym. Kabınetime remont jasaýym kerek edi dep, álgi jerde ah uryp otyr eken apaıymyz. Taǵy sol oqýshylardan «jylý» jınap, oqý jyly bastalǵansha kabınetin jóndep almaqshy ǵoı deımin. Mekteptiń ómiri jylda osy.
Mekteptiń ishine emes, orta bilim beretin búkil júıege «remont» jasaıtyn, reforma jasaıtyn ýaqyt bolǵan sııaqty. Aldaǵy 2-3 jylda mınıstrlikke isteıtin jumys kóp. Mektepti demokratııalandyrmasa bolaıdy. Qazirgi mektep – áli sol sávettik sıstemadan asyp ketpegen, bolashaqqa esh nárse usyna almaı otyrǵan «bilim beretin» júıe bolyp qalyp otyr. Mektep – eki sózdiń basyn qurap jaza almaıtyn saýatsyzdar túlep ushatyn ortaǵa aınalyp bara jatyr. Dırektordyń «despotızminen» qutqaryp,muǵalim men oqýshy erkin oılaıtyn, olardan tulǵa jasap shyǵaratyn ortaǵa aınaldyrý kerek mektepti.
Mektep eshqashan adamdy keremet bilimdi qylyp shyǵarmaıdy. Oqýshy mektepten saýatty jaza alatyn, oıyn qazaqsha jatyq qylyp jetkize alatyn adam bolyp shyqsa boldy. Ol osyndaı tramplın sekildi bolýy kerek. «Qudaı bermegen bilimdi Sorbonnadan da alyp shyǵa almaısyń» degen ádemi sóz bar. Qansha jerden tyryssań da, joǵarǵy oqý orny da senen tulǵa da, myqty tehnokrat ta jasap shyǵara almaıdy. Bulaqtyń kózin ashqandaǵy sııaqty, adamnyń oıyn ushtap, ony yntalandyratyn, bolashaqqa motıvaııa beretin orta – mekteptiń ózi bolý kerek!
Jolymbet Mákish
