QR Aqparat jäne qoǧamdyq damu ministrlıgı jurnalist Beisen Qūranbek atyndaǧy «Jıger» syilyǧyn taǧaiyndady. Būl turaly ministrlıktıŋ telegram kanalynda habarlandy.
«Jıger» syilyǧy - jurnalistika salasyndaǧy Ūlttyq syilyq bolmaq.
«Atalǧan syilyqty taǧaiyndaudaǧy basty maqsat - ardaqty azamat, elımızge belgılı telejurnalist Beisen Qūranbektıŋ esımın mäŋgılıkke saqtap qalu jäne talantty jas jurnalisterdı tanu, olardyŋ käsıbi jaǧynan odan ärı damuyna järdem beru», - dep jazylypty resmi aqparatta.
Syilyq 4 nominasiia boiynşa berıledı.
- Äleumettık taqyryptaǧy üzdık TV siujet;
- Äleumettık taqyryptaǧy üzdık maqala;
- Äleumettık taqyryptaǧy üzdık material (äleumettık jelı);
- Äleumettık taqyryptaǧy üzdık fotosuret.
Būl baiqauǧa televiziia, baspa, internet jurnalistikanyŋ jäne fotosuretşıler men jaŋa media (äleumettık jelıler) salanyŋ käsıbi jäne käsıbi emes jas jurnalisterı (18-35 jas aralyǧy) qatysyp, baǧyn synai alady.
Baiqau üzdıkterın arnaiy qūrylǧan qazylar alqasynyŋ müşelerı aiqyndaityn bolady. Qazylar alqasynyŋ qūramyna elımızde aqparat salasynyŋ damuyna eleulı üles qosqan tanymal mediamenedjerler, jurnalister, qoǧam qairatkerlerı kıredı.
«Jıger» syilyǧyna ötınış 2020 jyldyŋ 26 mamyr men 15 mausym aralyǧynda «mdq.kz» saitynda qabyldanady. Syilyqqa qatysty tolyq aqparatty (qatysu erejesın) «Media damytu qory» korporativtık qorynyŋ resmi saitynan ala alasyz.
Al saltanatty marapattau räsımı turaly aqparat jurnalisterdıŋ käsıbi merekesı qarsaŋynda habarlanady.
Eske salsaq, 18 mamyrda belgılı jurnalist Beisen Qūranbek 49 jasqa qaraǧan şaǧynda dünieden öttı.
Ūqsas jaŋalyqtar
