Serik Aqylbaı beıbit jıyndar týraly: Zańdaǵy normalar halyqaralyq konvenııaǵa sáıkes

533

Qazaqstan zańgerler odaǵynyń tóraǵasy Serik Aqylbaı beıbit jınalystardy uıymdastyrý jáne ótkizý tártibi týraly zańǵa qatysty pikir bildirdi. Bul týraly QazAqparat habarlady.

«Jalpy, bul zań biraz talqylandy, ıaǵnı qoǵamdyq talqylaý kóp boldy. Árıne, burynǵy qujatqa qaraǵanda qazirgi zań aıtarlyqtaı ilgerileýdi baıqatyp otyr. Osy oraıda bul baǵytta jasalǵan qadamdardy tolyqtaı qoldaımyn. Sebebi «Azamattar týraly pakti» degen halyqaralyq qujat bar, sonda adamdardyń quqyqtary tolyqtaı saqtalýy tıistigi kórsetilgen. Bizdiń Konstıtýııada da onyń barlyǵy eskerilgen», - dedi S. Aqylbaı.

Bul turǵyda ol «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańy burynǵy zańnamaǵa qaraǵanda eleýli túzetýlerdi qamtyǵanyn atap ótti. Beıbit jınalystardy ótkizý tártibi naqtylanǵanyna toqtalǵan S. Aqylbaı: «Osy oraıda óziniń pikirin aıtýshylardyń quqyǵyn ǵana emes, jalpy qoǵamnyń quqyǵy saqtalýy kerek. Mysaly, mıtıngige qatyspaıtyn basqa adamdardyń, avtobýsqa otyrǵan jolaýshylardyń, kóshede serýendep júrgenderdiń quqyǵy buzylmaýy tıis. Sondyqtan osy zańda bul máselege qatysty durys sheshim qabyldanǵan», - dedi.

Sonymen qatar Qazaqstan zańgerler odaǵynyń tóraǵasy atalǵan qujatta mıtıng, jınalys, demonstraııa men sherýge qatysty naqty sıpattama berilgenin tilge tıek etti. «Qazirgi ýaqytta biz ıfrlyq tehnologııany keńinen paıdalanyp kelemiz.

Beıbit jınalystardy uıymdastyrý men ótkizý úshin belgilengen arnaıy oryndarda onlaın rejımde kórsetetin quraldar bolady, buqaralyq aqparat quraldarynyń ókilderi keledi. Jınalysta aıtylǵan máseleniń barlyǵyn tikeleı efırden kórý múmkindigi jasalady. Iaǵnı, halyqtyń quqyǵy tolyqtaı halyqaralyq konvenııaǵa sáıkes saqtalǵan. Sondyqtan bul zańdy óte durys qujat dep sanaımyn», - dedi Serik Aqylbaı. Eske sala keteıik, bıyl 14 mamyrda QR Parlamentiniń Senaty «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Qazaqstan Respýblıkasy Zańy jobasyna birqatar túzetý engizdi. Al búgin Parlament Májilisiniń jalpy otyrysynda depýtattar «QR-da beıbit jınalystardy uıymdastyrý jáne ótkizý tártibi týraly» zań jobasyna Senat engizgen ózgerister men tolyqtyrýlardy qoldap, daýys berdi.

 

QazAqparat 

Pikirler
Redakııa tańdaýy