Mamyr aıynda 30 myńǵa jýyq adam jumysqa ornalasty

2318
Adyrna.kz Telegram

Azamattardy jumyspen qamtýǵa baǵyttalǵan memlekettik baǵdarlamalardy belsendi iske asyrýdyń arqasynda mamyr aıynyń basynan bastap «Eńbek» memlekettik baǵdarlamasy aıasynda 28,5 myń qazaqstandyq jumysqa ornalastyryldy. Al, «Jumyspen qamtýdyń jol kartasy» baǵdarlamasy boıynsha 14,8 myń adam jumyspen qamtyldy.

«Eńbek resýrstaryn damytý ortalyǵy» AQ mamandarynyń aıtýynsha, koronovırýs pandemııasy saldarynan 16 naýryzdan bastap, sáýir aıynyń sońyna deıin engizilgen karantın kezeńinde Elektrondyq eńbek bırjasynda bos jumys oryndarynyń sany 3 esege azaıǵan (2020 jyldyń aldyńǵy aılarymen salystyrǵanda).

Birinshi kezekte jumys oryndarynyń tómendeýi qyzmet kórsetý sektorynda, saýda, kólik jáne ónerkásip salalarynda tirkeldi. Alaıda, karantındik sharalar jeńildetilgennen keıin eńbek naryǵynyń jandanyp, mamyr aıynyń basynan bastap ekonomıkanyń barlyq salalarynda jumys berýshiler tarapynan suranys deńgeıiniń birtindep qalpyna kelýi baıqalýda.

Mamandar eńbek naryǵynyń jandanýyna «Jumyspen qamtýdyń jol kartasy» jáne «Eńbek» memlekettik baǵdarlamalary erekshe ról atqaryp otyrǵanydyǵyn atap ótti.

«Daǵdarysqa qarsy sharalar elimizdiń barlyq aımaqtarynda óz áserin berýde. Aǵymdaǵy jyldyń sáýir aıynan bastap jáne 19 mamyrdaǵy jaǵdaı boıynsha Jumyspen qamtý jol kartasy aıasynda 44,7 myń jumys orny qurylyp, olarǵa jumyspen qamtý ortalyqtary arqyly shamamen 14,8 myń adam jumysqa ornalastyryldy. «Eńbek» baǵdarlamasy aıasynda aǵymdaǵy jyldyń 4 aıynda 128,5 myń adam qamtyldy, onyń ishinde 118,3 myń adam ýaqytsha jáne turaqty jumysqa ornalastyryldy, 676 adam oqýǵa jiberildi, 1,4 myń adam shaǵyn nesıe aldy. Al, 1-19 mamyr aralyǵynda ǵana «Eńbek» baǵdarlamasyna 30,3 myń adam qatysyp. onyń 28,5 myńy jumyspen qamtylǵan», - deıdi «Eńbek resýrstaryn damytý ortalyǵy» AQ departamentiniń dırektory Juldyz Pernebaeva.

Bos jumys oryndaryn ornalastyrý boıynsha Aqmola, Qaraǵandy, Qostanaı, Pavlodar, Almaty, Mańǵystaý, Shyǵys Qazaqstan oblystarynyń jáne Nur-sultan qalalarynyń jumys berýshileri belsendilik tanytýda.

Qurylysshy-montajshylar, qurylysshy-árleýshiler, syrlaýshylar, densaýlyq saqtaý salasyndaǵy kásibı mamandar, orta medıınalyq jáne farmaevtıkalyq qyzmetkerler, metall óńdeý, jabdyqtarǵa qyzmet kórsetý jumysshylar, júrgizýshiler men operatorlar mamandyqtary boıynsha bos jumys oryndarynyń sany ósken.

"Adyrna" ulttyq portaly

Pikirler