Qazaqstannyŋ eks-prezidentı Nūrsūltan Nazarbaevtyŋ qyzy Äliia Nazarbaevaǧa taǧylǧan reiderlık aiyptar boiynşa materialdar Ūlybritaniia men Şveisariiaǧa jıberıldı, dep habarlaidy "Adyrna" ūlttyq portaly.
Käsıpker Nūrlan Bimurzin Elmedia-ǧa bergen sūhbatynda, Äliia Nazarbaevanyŋ jyldar boiy Ūlybritaniia men Şveisariiada qomaqty mülık pen aktivter jinaǧanyn aitty. Onyŋ aituynşa, būl qarajat elitalyq jyljymaityn mülık pen basqa da aktivterdı satyp aluǧa jūmsalǧan.
Şveisariiaǧa jıberılgen qūjat eldıŋ Bas prokurory Stefan Blattlerdıŋ atyna joldanǧan. Onda Ūlybritaniia men Şveisariia bilıgı būl ıstı tergeuge qūzyrettı ekenı körsetılgen. Qazaqstandyq käsıpkerler tergeu organdaryna bırneşe ret jügıngenımen, eşqandai nätije ala almaǧanyn aitady. Olardyŋ ötınışterı jauapsyz qalǧandyqtan, olar halyqaralyq sottarǧa jügınuge mäjbür.
Käsıpkerlerdıŋ maqsaty – Äliia Nazarbaevaǧa qatysty qylmystyq ıs qozǧau jäne būl talaptarynyŋ negızdı ekenın däleldeu. Qazaqstannyŋ Bas prokuraturasynan alynǧan barlyq jauaptar notarialdy audarylyp, däleldemelermen bırge şeteldık organdarǧa jıberıldı.
Käsıpkerdıŋ aituynşa, AQŞ tergeu organdary da būl ıske nazar audaryp otyr. Būǧan deiın olar jıbergen ötınışke AQŞ tergeu organdarynan jauap kelgen. Bilık auysuyna bailanysty tergeu keiınge şegerılgenımen, būl ıs baqylauda tūr jäne jaqyn arada qaralatyny aitylǧan.
Bimurzinnıŋ aituynşa, AQŞ-taǧy jaŋa äkımşılık biznes-elitalardyŋ aşyqtyǧyna basa män berude. Sonymen qatar, ol barlyq ötınışterdıŋ eks-prezidentter men olardyŋ otbasy müşelerınıŋ jeke ömırıne qatysty mälımetterdı jariialamau turaly zaŋ küşıne engenge deiın jıberılgenın atap öttı. Būl zaŋ bolaşaqta osyndai tergeulerdıŋ aşyqtyǧyna äser etuı mümkın. Endı käsıpkerler Ūlybritaniia, Şveisariia jäne AQŞ-taǧy tergeu amaldarynan ädıldık kütude.
Ūqsas jaŋalyqtar
