Foto: Fox7austin.com
Tanymal qytailyq marketpleis Temu Tehas ştatynda būǧattaldy. Endı būl qosymşany memlekettık qyzmetkerlerge paidalanuǧa jäne ştattyŋ menşıgındegı qūrylǧylarda aşuǧa tyiym salyndy.
Tehas gubernatory Greg Ebbot memlekettık qyzmetkerlerge qytailyq marketpleister — Temu, PinDuoDuo jäne Shein-dı paidalanuǧa tyiym salu turaly şeşım qabyldady. Onlain-dükendermen qatar, TP-Link, Xiaomi, CATLjäne basqa da qytailyq elektronika brendterın qoldanuǧa şekteu qoiyldy. Sondai-aq qytailyq jasandy intellekt servisterı men bottar da būǧattauǧa ılıktı.
Ebbot būl şekteulerdıŋ sebebın tehastyqtardyŋ jeke derekterınıŋ qauıpsızdıgımen tüsındırdı. Ştat bilıgı memlekettık qyzmetkerler men qarapaiym tūrǧyndardyŋ derekterıne şeteldık memleketterdıŋ qol jetkızuın şekteu baǧytynda belsendı jūmys jürgızıp jatyr.
«Paidalanuşylardyŋ jeke derekterı jasandy intellekt jäne basqa da qosymşalar men jabdyqtar arqyly jinalyp, olardy paidalanu, manipuliasiia jasau arqyly paidalanuşylardyŋ qūqyqtary būzylady», – dedı gubernator.
Qazırgı taŋda AQŞ-ta Temu-ǧa qarsy bırneşe sot ısı qaraluda. Marketpleis, sonyŋ ışınde, jeke derekterdı zaŋsyz jinady jäne paidalandy dep aiyptalyp otyr.
Arizona ştatynyŋ bas prokurory Kris Meies Temu qosymşasy jeke derekterdıŋ «şok tudyratyn kölemın», onyŋ ışınde geolokasiiany jäne smartfonda ornatylǧan basqa qosymşalar turaly aqparatty jinaitynyn mälımdedı.
Būǧan deiın BAQ Temu qosymşasynyŋ qazaqstandyqtar üşın de qauıptı boluy mümkın ekenın jazǧan. Baǧdarlama şpiondyq sipatta jūmys ıstep, jeke derekterdıŋ ülken kölemın jinap, olardy Beijıŋge jıberuı yqtimal ekenı aitylǧan. Sondai-aq Temu özınıŋ bas kompaniiasy arqyly People’s Data kompaniiasymen tıkelei bailanysty ekenı habarlanǧan. Al būl kompaniia ıs jüzınde Qytai Kommunistık partiiasy men Ortalyq komitettıŋ qūrylymdyq bölımşesı sanalady.
Qazaqstandyq BAQ-ta Temu qosymşasyn ornatu kezınde şamadan tys köp rūqsat sūraityny da aitylǧan. Atap aitqanda, kameraǧa, mikrofonǧa, bailanystar tızımıne, geolokasiiaǧa, IP-mekenjaiǧa, basqa paidalanuşylarmen özara ärekettesuge jäne özge de derekterge qol jetkızudı talap etedı. Būl rūqsattardyŋ köbı ädettegı onlain sauda üşın qajet emes.
Sarapşylar Temu-dyŋ qūpiialylyq saiasaty jetkılıktı deŋgeide aşyq emes ekenın jäne derekterdıŋ naqty qalai paidalanylatynyn egjei-tegjeilı tüsındırmeitının atap ötude. Osyǧan bailanysty platforma paidalanuşylardyŋ derekterın üşınşı tūlǧalarǧa satu nemese beruı mümkın degen küdık bar.
