Qazaq uly tarıhty ıemdenýden qaımyǵyp otyr

1018
Osman ımperııasynyń baǵyndyrǵan jeri bizdiń babalarymyzdyń jaýlap alyp Ordaly handyq qurǵan jeriniń jartysynyń jartysyna jetpeıdi eken.
Batý 1236 - 37 jyldary óziniń Eýropaǵa jasaǵan joryǵynda jasyndaı jarqyrap ol qurlyqta ózine teń keler qolbasshy, óz áskerine teńdeser ásker tappaǵan edi. Jaıpap óte saldy.
Tipti, Altyn Ordanyń ózara tartystan quldyraǵan eń bir qıyn kezeńinde (1399 jyly) mańǵyt Edige men Temir Qutlyq han Vorskla ózeniniń boıynda birikken Eýropa áskerimen kezdesip, olardy sol urysta tas - talqan qylyp jeńip Polshaǵa sheıin qýyp tastady.
Jalpy, ordalyqtar týraly túrli ańyzdy jyr ǵyp aıtqan eýropalyqtar olarmen betpe bet kezdesýden ólerdeı qoryqqan eken.
Al sol Eýropa qurlyǵy Osman otaman sultandarymen ylǵı ıtjyǵys túsip soǵysty ta júrdi, eki qoly jaǵasynda ketti.
Baıaǵyda babalarymyz ordalyqtardy ózderine Osman sultany, Lıtva men Moskovııa knıazderi, parsy shahtary da sonaý alystan attaı qalap ózderine áskerı qyzmetke qymbatqa aldyryp, ózderi sony dáreje kórgen eken.
Al búgin sol Anadoly túrikteri, keremet tarıhı kınolar túsirip júr, basqa jurt ta sony ólip kórip jatyr. Orystyń ózi Súleımendi súıip kórdi.
"Súleımen" , "Ertuǵyryl"...
Kıno jaqsy shyqsa, ony bári kóredi eken.
Ókinishke oraı, bular sony túsire almaı otyr, bul bir. "Kelınka Sabına"deıdi, solar trend bop otyr.
Ekinshiden, bulardyń tarıhı aıasy sol uly tarıhty ıemdenýden qaımyǵyp ulystyq sultandarmen (Kereı men Jánibek) shektelip qana qaldy, ıaǵnı ıdeologııalyq aýmaǵy tar.
Al bylaı ańyzǵa bergisiz babalar tarıhyn jyrlaıtyn halyq biz ǵoı..
Oljas Ábil
Pikirler
Redakııa tańdaýy